Kryediplomati turk, Hakan Fidan, dhe homologu i tij iranian, Abbas Araghchi, diskutuan nëpërmjet një telefonate për përgatitjet e bisedimeve bërthamore që do të mbahen në Istanbul këtë të premte.

Gjatë telefonatës së zhvilluar të hënën, dy ministrat diskutuan gjithashtu për situatën humanitare në Gaza dhe zhvillimet në Siri, njoftuan burime diplomatike turke.

Një raund i ri bisedimesh për çështjen bërthamore mes Iranit dhe tri vendeve evropiane të njohura si E3, Mbretëria e Bashkuar, Franca dhe Gjermania, do të mbahet në Istanbul këtë të premte.