Zëdhënësi i Kremlinit, Dmitry Peskov, tha se raundi i tretë i negociatave midis Rusisë dhe Ukrainës do të bëhet i ditur këtë javë.

Peskov diskutoi mundësinë e një raundi të ri bisedimesh midis Rusisë dhe Ukrainës me gazetarët në Moskë dhe deklaroi se ata vazhdojnë të punojnë me Ukrainën në nivel ekspertësh.

"Procesi i zbatimit të marrëveshjeve të arritura në Istanbul vazhdon. Procesi i shkëmbimit të të burgosurve dhe kufomave vazhdon", tha Peskov.

Peskov u shpreh se besojnë se raundi i tretë i negociatave do të bëhet i qartë këtë javë, duke shtuar: "Prandaj, ne po vazhdojmë punën tonë".

Duke vënë në dukje se takimi midis presidentit rus, Vladimir Putin dhe homologut të tij amerikan, Donald Trump, do të zhvillohet vetëm pasi të përfundojë procesi i negociatave, Peskov tha se ata po punojnë për të arritur qëllimet që kanë vendosur në lidhje me Ukrainën.