Ýewropa Komissiýasynyň Başlygy Ursula fon der Lýaýen Ukrainanyň döwlet Ýolbaşçysy Wladimir Zelenskiýden gaplyga garşy göreş boýunça garaşsyz gözegçilik edaralaryň goralmagyny talap etdi. Ukrainanyň lideri bolsa degişli kanunlaryň birnäçe günüň dowamynda kabul ediljekdigini mälim etdi.
Fon der Lýaýen ýekşenbe güni Zelenskiý bilen geçiren telefon söhbetdeşliginde soň X platformasyndan beren habarnamasynda; “Ukraina Ýewropa ugrunda ençeme işleriň hötdesinden geldi. Bu esaslar güýçlendirilmeli we Ukraina hukugyň hökmürowanlygynyň eszaslary bolan gaplyga garşy göreşýän gözegçilik edaralaryny goramaly” diýip, ýazdy.
Zelenskiý halk köpçüliginiň berk garşylygy sebäpli penşenbe güni Ukrainanyn gözegçilik edaralaryny gaýtadan dikeldýän kanun taslamasyny hödürledi. Bu başlangyç guramalaryn özygtyýarlylygyny ejizledýän ozalky kanun taslamadan egilşik edilýändigini aňladýar.
Zelenskiý ýekşenbe güni Lýaýen bilen geçiren telefon söhbetdeşliginden soň X sosial plaformasyndan beren habarnamasynda; “Ukraianyn galplyga garşy göreşýän edaralarynyň garaşsyzlygyny we netjeliligini kepillendirýän kanunlary hakynda pikir alyşdyk. ÝB Komissiýasyna beren hünärmenlik goldawy üçin sagbolsun aýdýaryn” diýip, ýazdy.
Zelenskiý: “Şolbir düşünjä eýerýäris: Taslamanyň gijä galman, gelejek hepde kabul edilmeli möhüm” diýip, sözüniň üstüni ýetirdi.
Fon der Lýaýen şeýle hem Ukrainanyň ÝB-ne agzalyk ugrundaky tagallalaryny goldamaga dowam etjekdiklerine söz berdi.
Lýaýen: “Ukraina Ýewropa ugrundaky ösüşini dowam etdirmek üçin biziň goldawymyza ynanyp biler” diýdi.
Russiýa täze sanksiýalar
Ukrainanyň Prezidenti Wladimir Zelenskiý ýekşenbe güni Russiýa garşy sanksiýalaryň ÝB-niň sanksiýalary bilen utgaşdyrylmagy hakyndaky permana gol çekdi.
Ukrainanyň Prezidentiniň Diwanynyň internet sahypasynda neşir edilen perman, ýurduň Milli Howpsuzlyk we goranyş geňeşiniň ozal kabul eden kararlaryny tassyklaýan mazmuna eýe.
Zelenskiý şeýle hem Prezidentiniň Diwanynyň internet sahypasynda neşir edilen beýleki bir perman bilen Moskwa goşmaça sanksiýalar girizdi.
İki permana Zelenskiýnin üstümizdäki aýyň başynda Daşary işler ministri Andrii Şybihadan 18-nji iýulda ÝB tarapyndan kabul edilen 18-nji sanksiýa bukjasyny “Ukrainanyn ygtyýar giňişliginin çäginde” utgaşdyrmagyny islemeginden soň gol çekildi.
