Pakistanyň Premýer-ministri Şahaz Şerif, ýurdunyň söwda, maýa goýum we tehnalogiýa ýaly ugurlarda Türkiýe bilen edýän gatnaşyklaryny has-da ösdürmek isleýändiklerini aýtdy.

Pakistan tarapyndan berlen beýannama görä, Premýer-ministri Şabhaz Şerif çarşenbe güni paýtagt Yslamabatda Daşary işler ministri Hakan Fidan bilen Goranmak ministri Hakan Fidany kabul etdi.

Şafbaz Şerif kabul edilşikde Pakistan bilen Türkiýäniň arasyndaky doganlyk gatnaşyklarynyň umymy taryha, medeniýete we özara ynama esaslanýandygyny nygtady.

Kabul edilşige Pakistanyň Daşary işler ministri-Wise-premýer Muhammed Ishak Dar, Baş ştabyň başlygy marşal Asym Munir, Goranmak ministri Muhammed Asyf we Milli howpsuzlyk gullugynyň başlygy Muhammed Asym Malik bilen birlikde beýleki ýolbaşçylar gatnaşdy.

Pakistanyň Premýer-ministri özara gatnaşyklaryň ýeten sepgidine kanagatlanma bildirdi.

Şu ýyl Prezident R. T. Erdogan bilen geçiren duşuşyklaryna, esasan Ykdysady hyzmatdaşlyk guramasynyň 17-nji sammitiniň çäginde geçiren soňky duşuşygyna ünsi çeken Şerif, Pakistan-Türkiýe gatnaşyklarynyň öňümizdäki günlerde strategik hyzmatdaşlyk derejesine göterilmegini isleýändiklerini aýtdy.

Pakistanyň Daşary işler ministri-Wise-premýer Muhammed Ishak Dar bilen Türkiýäniň Daşary işler ministri Hakan Fidanyň ýolbaşçylyk etmeginde Bilelikdäki komissiýanyň maslahatynyň geçirilmegine kanagatlanma bildiren Şerif, iki ýurduň arasyndaky özara gatnaşyklaryň ähli taraplaýyn pugtalanjakdygyna ynanýandygyny nygtady.

Iki ýurduň birek-biregiň bähbidine goldaw berýändigini aýdan Şerif, üýtgeýän dünýä ulgamynda Pakistan bilen Türkiýäniň utgaşykly ýagdaýda hereket edýändigine ünsi çekdi.

Şerif, Pakistanyň Hindistan bilen başdan geçiren soňky dartgynlygynda beren goldawy üçin türk halkyna we liderine minnetdarlyk bildirdi.

Özara söwda mukdarynyň 5 milliard dollara ýetirilmegi üçin tagalla edýändiklerini nygtan Şerif, türk firmalaryna Pakistana has köp maýa goýmaklary üçin çagyryş berdi.