Siriýanyň Içeri işler ministrligi Başar Asadyň ýolbaşçylyk etmegindäki hökümete garşy başladylan gozgalaňda “harby jenaýat” edendigi sebäpli Nabil Driusiniň howpsuzlyk güýçleri tarapyndan göz tussaglygyna alynandygyny habar berdi.

Siriýanyň Içeri işler ministrligi tarapyndan berlen beýanatda: “Latakiýanyň demirgazygyndaky Içerki howpsuzlyk gullugy Siriýa ynkylaby döwründe köp sanda jenaýat eden we režime garşy bolan sebitlerde geçirilen hereketleri basyp ýatyrmak operasiýalaryna gatnaşan jenaýatçy Nabil Driusini göz tussaglygyna aldy” diýip aýan edildi.

Beýanatda, Nabil Driusiniň raýatlara garşy agyr hukuk düzgün bozulmalaryna, şol sanda şehitleriň jesetlerine ezýet bermek ýaly hereketlere gatnaşandygy bellenip: "Ol degişli kazyýete tabşyryldy we oňa garşy zerur hukuk çäreleri görüler" diýip beýan edildi.

Siriýanyň 25 ýyl bäri häkimiýet başynda bolan ýolbaşçysy Başar Asad, dekabr aýynda Russiýa gaçyp gitdi we 1963-nji ýyldan bäri häkimiýetde bolan Baas partiýasynyň režimi bes edildi.

Täze hökümet prezident Ahmad al Şaraanyň ýolbaşçylyk etmeginde ýanwar aýynda esaslandyrylypdy.