Gazadaky Palestinanyň Saglygy goraýyş ministrligi, sişenbe güni basyp alyşlyk astyndaky sebitde soňky 24 sagatda 4-i çaga 15 adamyň azyk ýetmezçiligi sebäpli açlykdan ölendigini mälim etdi.

Şeýlelikde 2023-nji ýylyň oktýabr aýyndan bäri azyk ýetmezçiligi sebäpli ýogalanlaryň sany 101 adama ýetdi. Ýogalanlaryň 80 göterimi çagalardan ybarat.

Palestinli meýletinler geçen hepde açlyk sebäpli köçelerde özünden giden ynsanlar hakynda ýörite subutnama hödürläpdi.

Gazadan dünýäniň çar tarapyna soňky wakalary habar berýän žurnalistler hem şuňa meňzeş wakalara şaýatlyk edýändiklerini mälim edipdi.

Ysraýyl 2-nji martda Gazanyň ähli geçelgelerini ýapypdy we sebite azyk, derman we ýangyç kömeginiň berilmegini bes edipdi.

Gazada 650 müň çaganyň azyk ýetmezçiligi sebäpli ölüm howpuna sezewardygy habar berildi.

Göwreli 60 müň zenana hem azyk ýetmezçiligi sebäpli uly howp abanýar.

Ysraýyl 2023-nji ýylyň oktýabr aýyndan bäri Gazada esasy bölegi zenanlardan we çagalardan ybarat 59 müňden gowrak adamy öldürdi.