Russiýanyň Daşary işler ministrliginiň metbugat sekretary tarapyndan sişenbe güni berlen beýanatda, Russiýanyň Daşary işler ministri Sergeý Lawrowyň Hytaýyň Döwlet baştutany Si Szinpin bilen duşuşyk geçirendigi habar berildi.

Russiýanyň Daşary işler ministri Sergeý Lawrow Şanhaý hyzmatdaşlyk guramasyna agza ýurtlaryň Daşary işler ministrleriniň maslahatyna gatnaşmak maksady bilen Hytaýa sapar guraýar.

Russiýanyň Daşary işler ministrligi öz internet saýtynda çap eden beýanatynda: "Lawrow Hytaýyň liderine Russiýa Federasiýasynyň prezidenti Wladimir Putiniň hoşniýetli salamlaryny we iň gowy arzuwlaryny ýetirdi" diýdi.

Beýanatda: "Taraplar ikitaraplaýyn syýasy gatnaşyklar bilen baglanyşykly dürli meseleleri ara alyp maslahatlaşdylar ... Bularyň arasynda Russiýanyň prezidentiniň Hytaý Halk Respublikasyna boljak saparyna görülýän taýýarlyk" diýip habar berildi.

Russiýanyň Döwlet baştutany Şanhaý Hyzmatdaşlyk Guramasynyň (ŞHG) sammitine gatnaşmak, Hytaýyň Döwlet baştutany Si Szinpin bilen gepleşik geçirmek we 3-nji sentýabrda Ikinji jahan urşunda Ýaponiýa garşy gazanylan ýeňşi belläp geçmek üçin geçiriljek dabaralara gatnaşmak üçin Hytaýa sapar gurar.