Siriýada, Başar Asadyň häkimiýetden çetleşdirilmeginden soň ilkinji parlament saýlawlarynyň sentýabr aýynyň 15-20-i aralygynda geçirilmegine garaşylýar.
Ýokary saýlaw komitetiniň başlygy Muhammed Taha Al Ahmediň SANA habarlar gullugyna beren beýannamasyna görä, Ýokary saýlaw komitetiniň agzalary şenbe güni Prezident Ahmed Şara bilen duşuşdy.
Ýokary saýlaw komitetiniň agzalary duşuşykda Prezident Şara, Siriýada tapawutly gatlaklar bilen geçirlen gepleşiklerden soň wagtlaýyn saýlaw kanunyna girizilen üýtgetme hakynda maglumat berdi.
Prezident Şara, saýlawlaryň Siriýanyň ähli welaýatlarynda geçirilmeginiň ähmiýetine ünsi çekdi.
Ýokary saýlaw komitetiniň başlygy Muhammed Taha Al Ahmed, Siriýanyň Prezidentiniň söweşe goldaw berýän ýada olar bilen hyzmatdaşlyk edýänleriň, messepçiligi we bölünşigi höweslendirýänleriň saýlaw etabyndan çetleşdirilmelidigine ünsi çekendigini ýatlatdy.
Saýlaw kanunyna girizilen üýtgetmä görä Halk mejlisinde kürsüleriň sany 150-den 210-a çykarlar. 2011-nji ýyldaky ilat sanawyna görä welaýatlara wekilçilik etmek üçin kürsi sany artdyrlar.
Al Ahmed, Prezidentiň wagtlaýyn saýlaw ulgamy tassyklamagyndan soň bir hepdäniň dowamynda saýlaw komitetiniň ýerli komitetleri döretjekdigini we 15 günüň dowamynda hem şol komitetleriň saýlaw organlarynyň kesgitleniljekdigini belledi.
Dalaşgärleriň bellige alynmagy etabyndan soň dalaşgärlere öz kampaniýalaryny taýarlamaklary üçin bir hepde möhlet berler.
Al Ahmed saýlawlaryň sentýabr aýynyň 15-20-i aralygynda geçirilmegine garaşylýandygyny we saýlaw merkezleriniň gullukçylarynyň azyndan 20 göteriminiň zenanlardan ybarat boljakdygyny nygtady.
Ýokary saýlaw komitetiniň başlygy Muhammed Taha Al Ahmed, saýlawlara jemgyýetçilik guramalarynyň we halkara guramalaryň synçy hökmünde gatnaşjakdygyny mälim etdi.
Siriýanyň Prezidenti şenbe güni agşamara parlament saýlawy üçin wagtlaýyn saýlaw kanunyny tassyklandygyny aýan etdi.
Siriýanyň Prezidenti Şara, 13-nji iýunda Ýokary saýlaw komitetiniň döredilmegi boýunça karar kabul edipdi.
Parlamentdäki kürsüleriň sanyny ilki 150 hökmünde kesgitlän komitet, soň şol sany 210-a çykardy.
