Ukrainanyň Prezidenti Wladimir Zelenskiý, ukrain güýçleriň ýurduň gündogarynda ýerleşýän logistika merkezine eýe bolan Pokrowsk şäheriniň golaýynda rus güýçleriniň çaknyşyklaryna garşy göreşýändigini aýtdy.

Zelenskiý, ýokary çinli serkerde Oleksandr Syrskiden alan soňky maglumatyna görä Pokrowskyň esasy front liniýasyna öwrülendigine ünsi çekdi.

Zelenskiý “ähli operasiýa zolaklary ele alyndy. Pokrowskda çaknyşyklar güýçlenýär. Ünsler Pokrowksa gönükdi” diýdi.

Prezident Zelenskiý Sumy sebitinde hem çaknyşyklaryň dowam edýändigini ýatlatdy.

Serkerde Oleksandr Syrski Telegramdan beren habarnamasynda, Pokrowsky we beýleki 5 zolagy müň kilometrlik front liniýasyndaky iň agyr front liniýasy hökmünde häsiýetlendirdi.

Serkerde Syrski “Russiýa Federassiýasy bu tomus hüjüm synanşygynyň jerimesini iň agyr görnüşde töleýär” diýdi.

Rus güýçleri birnäçe aýdan bäri Pokrowska tarap barýar

600 müň ilaty bolan şäher, esasy demirýol merkezi bolmak bilen birlikde Ukrainanyň polat senagaty taýdan uly ähmiýete eýe bolan ýeke-täk kok kömür magdanyna ýer eýeçiligini edýär.

Asuda ilatyň esasy bölegi hüjümler sebäpli ewakusaiýa edildi.

Russiýanyň Goranmak ministrligi Pokrowskiň günbatarynda ýerleşýän Zwiroýe we gündogarynda ýerleşýän Nowoekonomiçniniň ele geçirlendigini habar berdi.

Hepdäniň başynda bolsa Nowotoretskeniň ele geçirlendigini öňe sürüpdi.

Ukrainanyň harby goşunyndan berlen beýanamada, rus güýçleriniň Zwiroýeniň we Nowoekonomiçniniň golaýyndaky hüjümlerini dowam edýändigini mälim edipdi.

Beýleki tarapdan Russiýa, indiki hepde Stambulda Ukraina bilen geçiriljek gepleşikleriň “gaty kyn” boljakdygy barasynda duýdyryş berdi.

Bu duýduryş üç ýyldan gowrak wagt bäri dowam edýän söweşiň bes edilmegi üçin edilýän tagallalara zeper ýetiriljekdigini görkezýär.

Iki ýurduň wekiliýeti Stambula tarap ugrady we gepleşikleriň şu gün agşam başlamagyna garaşylýar.

Maý we iýun aýlarynda geçirlen gepleşiklerde diňe ýesir çalşygy we söweşde ýogalan esgerleriň jesetleriniň yzyna berilmegi boýunça ylalaşyk gazanylypdy.

 “Bu diýseň kyn bolar” diýen Kremliň metbugat sekretary Dmitriý Peskow, hiç kimiň etabyň aňsat bolmagyna garaşmaýandygyny ýatlatdy.