Germaniýanyň Daşary işler ministri Iogan Wadepul Ysraýyla we Palestin territoriýasyna gurajak saparyndan ozal beren metbugat beýannamasynda Palestin döwletiniň ykrar edilme tapgyrynyň “şu wagt başlamalydygyny” aýtdy.
Wadepul penşenbe güni beren beýannamasynda; “Germaniýa bir taraply başlangyçlara hem jogap bermeli bolar” diýip, tapgyryň şertlere baglylykda ýokary depginde dowam edip biljekdigine ünsleri çekdi.
Wadepul geňeşilen iki döwletli çözgüdiň, çaknyşyga durnukly çözgüdiň we iki tarapyň hem parahatçylyk, howpsuzlyk we buýsanç şertlerinde ýaşamagynyň “ýeke-täk” ýolydygyny nygtady.
Germaniýanyň Daşary işler ministri; “Ysraýylyň hökümetiniň käbir agzalary tarapyndan berilen anneksiýa beýanatlaryna garşy Ýewropa ýurtlary bilen birlikde Palestin döwletini ykrar etjek ýurtlaryň sany günsaýyn artýar. Sebit we Ýakyn Gündogar parahatçylyk tapgyry şol sebäpli öwrülşik nokady” diýip, sözleriniň üstüni ýetirdi.
Germaniýanyň Ysraýylyň öňünde “ýörite borjunyň bardygyny” beýan eden Wadepul, onuň Germaniýa “hökmany suratda täsir ýetirjekdigini” beýan etdi.
Wadepul: “Ysraýyl şol bir wagtda Gazadaky betbagtçylyk üçin dessine, giňgerimli we durnukly rahatlanmany ýola goýmaly. Germaniýa şertleri ýeňilleşdirmek üçin ähli goldawy bermäge taýýar” diýdi.
Germaniýanyň Daşary işler ministri Iogan Wadepul ýurdunyň golaýda ynsanperwer kömekleriniň howadan paýlanmagyna gatnaşjakdygyny we ynsanperwer gara ýoluny açmak üçin çalyşjakdygyny beýan etdi.
