Prezident R. T. Erdogan bilen Fransiýanyň Prezidenti Emmanuel Makron telefon arkaly söhbetdeşlik geçirdi.

Erdogan bilen Makron telefon söhbetdeşliginde Gazada çuňlaşýan gumanitar krizis we sebitdäki parahatçylyk umydy hakynda pikir alyşdy.

Prezident Erdogan ýekşenbe güni geçirlen telefon söhbetdeşliginde, Gazada gumanitar krizisiň çuňlaşmagyna alada bildirdi we halkara jemgyýetçiliginiň gyssagly işe girişmelidigini nygtady.

“Gazadaky gumanitar krizis gün saýyn agyrlaşýar” diýen Erdogan, halkara jemgyýetçiliginiň gyssagly işe girişmelidigine ünsi çekdi.

“Ysraýyl bilen Palestiniň arasyndaky çaknyşyk bes edilmeli”diýen Erdogan, sebitdäki dartgynlygyň iki döwletli çözgüde laýyklykda çözülmeldigini ýatlatdy.

Fransiýanyň Palestini garaşsyz döwlet hökmünde ykrar etmek boýunça kabul eden kararyna kanagatlanma bildiren Erdogan, kärdeşi Makrony bu başlangyjy bilen gutlady.

Fransiýanyň Palestini ykrar etmek boýunça kabul eden karary Palestine goldaw berýän töwerekler tarapyndan oňyn garşylandy.

Fransiýanyň Prezidenti Emmanuel Makron penşenbe güni beren beýannamasynda, Parižiň sentýabr aýynda BMG-nyň Baş Assambelýasynyň çäginde Palestini resmi taýdan ykrar etjekdigini mälim etdi.

Fransiýa, dünýäniň ykdysady taýdan ösen 7 ýurdundan biri we G-7 toparynda Fransiýany ykrar eden ilkinji ýurt bolar. Häzire çenli BMG-na agza 193 ýurtdan 147-si Palestini garaşsyz döwlet hökmünde ykrar etdi.

Fransiýanyň Daşary işler ministrligi, X sosial media platformasyndan beren habarnamasynda “Fransiýanyň Palestin döwletini ykrar etmäge taýarlanýan günlerinde Ysraýyl döwletiniň Fransiýa tarapyndan 1949-njy ýylyň 24-nji ýanwarynda ykrar edilendigini ýatlalyň diýildi.

Ysraýylyň 2023-nji ýylyň 7-nji oktýabryndan bäri Gaza guraýan hüjümlerinde häzire çenli esasy bölegi zenanlardan we çagalardan ybarat bolan 60 müňe golaý palestinli aradan çykdy.