Russiýa penşenbe güni Antonow An-24 ýolagçy uçarynyň ýurduň uzak gündogaryndaky Amur sebitinde uçup barýarka radardan ýitirim bolandygyny habar berdi.
Amur sebitiniň häkimi Wasiliý Orlow Telegramyň üsti bilen beren beýanatynda uçaryň sebitiň dolandyryş merkezi Blagoweşşenskden Tynda şäherine tarap barýarka radardan ýitirim bolandygyny aýtdy.
Orlow: "Deslapky maglumatlara görä, uçaryň içinde 43 ýolagçy we ekipažyň 6 agzasy bardy, şolaryň hatarynda bäş çaga" diýip belläp, dereksiz ýiten uçaryň gözleg we halas ediş işleriniň başladylandygyny mälim etdi.
Adatdan daşary ýagdaýlar ministrligi hem uçaryň radardan ýitirim bolandygyny tassyklady we uçaryň Tyndadaky ýerli howa menzilinden birnäçe kilometr uzaklykda ýerleşýän çagyryşlara jogap bermeýändigini habar berdi.
Ministrlik beren beýanatynda: “Uçar Habarowsk-Blagoweşşensk-Tynda ugrunda uçýardy. Deslapky maglumatlara görä, bortda takmynan 40 adam bardy” diýip bellendi we hadysa bilen bagly goşmaça maglumatlaryň anyklanýandygy aýan edildi.
