Ysraýylyň jemgyýetçilik ýaýlym organy KAN tarapyndan berlen hasabata görä 2025-nji ýylyň başyndan bäri 16 ysraýylly esger öz janyna kast edip, 2023-nji ýylyň oktýabr aýynda Gazada genosidiň başlamagyndan bäri goşunda öz janyna kast eden esgerleriň umumy sany 54-e ýetdi.
KAN soňky hasabatda sekiz sany işjeň esgeriň, ýedi ätiýaçdaky esgeriň we bir hünärmen esgeriň bardygyny aýtdy. 2024-nji ýylda 21 esger öz janyna kast etdi, 2023-nji ýylda bolsa 17 adam hasaba alyndy.
KAN, Gazadaky gury ýer operasiýa üçin köp sandaky ätiýaçdaky esgerleriň arasynda öz-özüni öldürmegiň derejesiniň ep-esli ýokarlanandygyny görkezdi.
Olara goşmaça ýagdaýda, takmynan 3770 esgeriň trawmatikden soňky stres bozulmasy (PTSD) bolandygy habar berildi. Ysraýylyň ýaýlym organy gyrgynçylygyň başlamagyndan bäri ýaralanan 19000 esgeriň takmynan 10000-siniň psihologiki näsazlyklary başdan geçirýändigini we Goranmak ministrliginiň dikeldiş bölüminiň üsti bilen bejergi alýandyklaryny habar berdi.
Esgerleriň psihologiki çydamlylygyny ýokarlandyrmak üçin seminarlar geçirýän Ysraýyl goşuny, uruş weteranlaryny harby psihologlara ugrukdyryp resmileriň, "aladalandyryjy hadysa" diýip häsiýetlendirýän zatlaryny çözmäge synanyşýar.
Harby maglumatlara görä, Gazadaky gyrgynçylygyň başlamagyndan bäri 895 ysraýylly esger öldi, 6134 adam ýaralandy. Goşun has köp ýitgini gizlänligi üçin tankydy belliklere sezewar galýar.
Genosid
Ysraýyl gabaw astyndaky Gazada aglabasy çagalardan we zenanlardan ybarat takmynan 60 müň palestinalyny öldürdi.
Palestinanyň resmi habarlar gullugy WAFA-nyň habaryna görä, 11000 töweregi palestinaly ýumrulan binalaryň harabalyklarynyň aşagyndadygy çak edilýär.
Emma hünärmenler Gazanyň resmileri tarapyndan habar berlen ölüm görkezijileriniň hakykata bap gelmeýändigini we hakyky görkezijiniň 200000 töweregi bolup biljekdigini çaklaýarlar.
Genosid döwründe Ysraýyl gabaw astynda bolan Gazanyň köp bölegini harabalyga öwrüp, tutuş ilaty diýen ýaly başga ýerlere göçürdi.
Geçen ýylyň noýabr aýynda Halkara Jenaýat Kazyýeti Ysraýylyň premýer-ministri Benýamin Netanýahuny we öňki Goranmak ministri Ýoaw Gallanty Gazadaky harby jenaýatlary we adamzada garşy jenaýatlar üçin tussag etmek karary berdi.
Ysraýyl mundan başgada sebitdäki uruş sebäpli Halkara Kazyýetde genosid işi bilen ýüzbe-ýüzdir.
