Palestinanyň Gyzyl ýarymaý jemgyýeti (PRCS) tarapyndan berlen maglumata görä, Ysraýylyň goşuny ýekşenbe güni Gaza zolagynyň günorastynda ýerleşýän merkeze hüjüm guramagy netijesinde 1 işgär ýogaldy, 3 adam bolsa ýaralandy.
PRCS X platformasyndan beren beýanatynda: “Palestinanyň Gyzyl ýarymaý jemgyýetiniň bir işgäri Ysraýylyň harby güýçleriniň jemgyýetiň Han Ýunus şäherindäki merkezine hüjüm guramagy netijesinde ýogaldy, 3 adam ýaralandy we binanyň 1-nji gatynda ýangyn boldy” diýip habar berildi.
PRCS hüjümiň binanyň 1-nji gatyny nyşana almagy bilen ýangyna sebäp bolandygyny we uly zeper ýetendigini mälim etdi.
Bu hüjüm ABŞ-nyň wekili Stiw Witkoffyň açlykdan we gytçylykdan ýogalýan adamlaryň sanynyň artýan Gazadaky azyk önümlerini barlamak boýunça sebite baryp görenden soň boldy.
Ysraýylyň goşuny 2023-nji ýylyň 7-nji oktýabryndan bäri Gazada amala aşyrýan elhenç hüjümlerinde 60300-den gowrak palestinalyny öldürdi.
Yzygiderli bombalanan sebit weýran bolýar we azyk ýetmezçiligine duçar bolýar.
