Keşe xoquqların yaqlaw oyışması xisabına kürä 22 fevral könne Gomadağı Katindo xärbi lagere yanında üterelgän 21 grajdanlı arasında başlarına ut açılğan 6 ir-at häm 1 xatın-qız da bar.
Keşe xoquqların yaqlaw oyışması beldergänçä Ruanda xuplawındağı M23 ğıys’yançıları Kongo demokratik cömhüriyäteneñ könçığışındağı Goma şähärendä fevral ayında 2 kön êçendä kim digändä 21 grajdanlını üterde.
Sişämbe könne açıqlanğan xisap Gomanıñ ber mäxälläsendä 22-23 fevral’ könnärendä barlıqqa kilgän waqiğalarnı quzğattı häm distälärçä yıl buyı däwam itüçe bäreleşneñ qırıslığın açıp saldı.
Keşe xoquqların yaqlaw oyışması xisabında tübändäge yullar urın aldı: “Turıdan ämir birgän yäki keşe xoquqların bozğan citäkçelär häm suğışçılar cäzağa tartılırğa tiyeş.”
M23 ğisyançıları ğinwar ayında başlanğan ber höcüm belän Kongonıñ könçığışındağı iñ zur ike şähär bulğan Goma häm Bukavunı qulğa töşerde. Artqan qırıslıq meñnärçä keşeneñ ülemenä häm 100 meñnärçä keşeneñ yortsız qaluına kiterde.
Üterelgän 21 grajdanlı arasında 22 fevral könne Gomadağı Katindo xärbi lagere yanında başına ut açılğan 6 ir-at häm 1 xatın-qız da bar.
İkençe waqiğada M23 ğisyançıları keşelärne üterde häm alarnı lager’ğa 100 metr yıraqlıqta urnaşqan tözeleş urınına ırğıttı. Bu keşelär arasında öyennän alınğan häm annarı tözeleş urınında üle kileş tabılğan 15 yäşlek bala da bula.
Keşe xoquqların yaqlaw oyışmasına kürä Gomanıñ Kasika mäxälläsendä monnan alda Kongo demokratik cömhüriyäte armiyase kazarmaları bulğanı öçen maqsat itep alındı.
Köçläw oçraqları 5 tapqırğa artqan
Mäxällädäge qırıslıq ber könnän soñ 23 fevral’dä dä däwam itte. M23 ğisyançıları yaqındağı ber sport mäydanında yaqınça 20 yegetne cıydı.
Ber şahit Keşe xoquqların yaqlaw oyışmasına ğıys’yançılarnıñ yegetlärne armiya äğzase buluda ğayepläwen äytte. Qaçarğa telägän öç keşene atıp ütergännär.
Keşe xoquqların yaqlaw oyışması Gomadağı ülüçelär sanınıñ tağın da küp bula alaçağın belderde. Sälamätlek saqlaw xezmätkärläre ike köndä Kasika töbägennän 50dän artıq mäyetneñ cıyıluın citkerde.
Ruanda “M23”ne xuplawı turındağı BMO ğayepläwlären kire qağa häm köçläreneñ Demokratik Kongo cömhüriyäte armiyase häm berlektäş suğışçılarğa qarşı üzen saqlawın äytä.
