ABŞ-nyň federal kazysy, Luiswill şäheriniň öňki polisiýa işgäri Brett Henkisony 26 ýaşyndaky garaýagyz zenan bolan Breonna Teýloryň raýat hukuklaryny bozandygy sebäpli 33 aý azatlykdan mahrum etdi. Breonna Teýlor 2020-nji ýylda şowsuz neşe gaçakçylygy bilen bagly geçirlen reýdde ýogalypdy.

Saglygy goraýyş edarasynyň işgäri bolan Breonna Teýlor, 2020-nji ýylyň 13-nji martynda Kentukki ştatynyň Luiswill şäherindäki jaýynda polisiýa tarapyndan geçirilen reýd wagtynda atylyp öldürildi.

Teýloryň ölümi tutuş ýurt boýunça jyns taýdan adalatsyzlyga we polisiýanyň wagşylygyna garşy nägilelik döretdi.

Gije geçirlen reýd wagtynda Teýloryň bilelikde ýaşaýan goňşusy öýlerine ogry girendigini çak edip, kanuny eýeçiligindäki ýarag bilen ot açdy.

Polisiýa işgärleri ýaraglary bilen ot açyp jogap berdi.

Henkison geçen ýyl Teýloryň öýüne çem gelen ýere ot açandygy sebäpli günäli tapyldy. Ýaragyň oklar goňşy jaýada degipdi.

ABŞ-nyň öňki polisiýa işgäri Brett Henkison Teýloryň konstitusion hukuklaryny bozup, aşa güýç ulanmakda günäli tapyldy.