Ukrainanyň prezidenti Wladimir Zelenskiý korrupsiýa garşy iki guramanyň ygtyýarlyklaryny gowşadýan kanuna gol çekenden soň, paýtagt Kiýewde protestler başlandy.

Oppozisionerler Ukrainanyň Milli Korrupsiýa garşy býurosynyň (NABU) we Korrupsiýa garşy ýörite prokuraturanyň (SAPO) özbaşdaklygyny çäklendirýän kanunyň Zelenskiýniň ygtyýarlyklaryny artdyrýandygyny we ýokary derejeli korrupsiýa işlerine hökümetiň goşulmagyna sebäp boljakdygyny öňe sürýärler.

Demonstrantlar "Kanuny weto et" diýip şygarlar aýtdylar, 26 ýaşly oýun dizaýneri Anastasiýa: "Bu kanun gyssagly durmuşa geçirilýär. Munuň maksatnamalaýyn bir tagalladygy äşgärdir" diýip belledi.

AFP habarçysynyň habaryna görä, Zelenskiý kanuna gol çekenden soň demonstrantlar oňa nägilelik bildirdiler.

Yza ädim

ÝB Komissiýasynyň Giňelmekden jogapkär agzasy Marta Kos Ukrainanyň mejlisiniň (Rada) korrupsiýa garşy edaralaryň özbaşdaklygyny çäklendirýän kanuny tassyklamagyny "yza ädim ätmek" hökmünde häsiýetlendirdi.

Kos X platformasyndan beren beýanatynda: "NABU we SAPO ýaly garaşsyz guramalar Ukrainanyň ÝB-ne agzalygy üçin möhüm ähmiýete eýedir. Kanunyň hökmürowanlygy, Ýewropa Bileleşigine goşulmak gepleşikleriniň özenini düzýär" diýdi.