Eýranyň döwlet metbugatynyň habaryna görä, Eýranyň iň ýokary howpsuzlyk organy, iýun aýynda Ysraýyl bilen başdan geçirlen we ýurduň 1980-nji ýyllarda Yrak bilen bolan uruşdan bäri iň çynlakaý bolan şol gysga wagtlyk çaknyşyklardan soň Milli Goranmak Geňeşiniň döredilmegini makullady.

Ýurduň Ýokary Milli Howpsuzlyk Geňeşiniň Sekretariatynyň döwlet metbugatyna beren beýanatynda: "Täze goranmak edarasy goranmak meýilnamalaryny gözden geçirer we Eýranyň ýaragly güýçleriniň mümkinçiliklerini merkezi taýdan güýçlendirer" diýlip bellenildi.

Goranmak geňeşi Eýranyň prezidenti Mesud Pezeşkian tarapyndan ýolbaşçylyk ediler we onuň düzümine hökümetiň üç aýry ugrundan ýolbaşçylar, ýokary derejeli ýaragly güýçleriň serkerdeleri we degişli ministrlikler girer.

Ýekşenbe güni Eýranyň Baş ştabynyň başlygy Amir Hatami Ysraýyldan abanýan howplaryň dowam edýändigini we olara kembaha garalmaly däldigi barada duýduryş berdi.

Ysraýyl 13-nji iýunda Eýrana garşy sebäpsiz ýere hüjümler amala aşyrdy we bu gysga möhletlik çaknyşyga sebäp boldy. Eýran Ysraýyla garşy jogap hüjümleri bilen garşylyk görkezdi. Amerikanyň Birleşen Ştatlary tarapyndan yglan edilen ýaraşyk 24-nji iýundan bäri güýjüni goraýar.