ایک امریکی حکومتی تجزیے میں یہ نتیجہ اخذ کیا گیا کہ فلسطینی تنظیم حماس  کی طرف سے  امریکی فنڈ سے فراہم کی جانے والی انسانی امداد کی منظم چوری کے شواہد نہیں ملے، جو اسرائیل اور امریکہ کی جانب سے ایک نئی مسلح نجی امدادی کارروائی کی حمایت کے لیے پیش کی جانے والی اہم دلیل کو چیلنج کرتا ہے۔

یہ تجزیہ، جو پہلے رپورٹ نہیں کیا گیا تھا، امریکی ایجنسی برائے بین الاقوامی ترقی (USAID) کے ایک شعبے نے کیا اور جون کے آخر میں مکمل کیا۔ اس میں اکتوبر 2023 سے مئی تک امریکی امدادی شراکت دار تنظیموں کی جانب سے رپورٹ کیے گئے امریکی فنڈ سے فراہم کردہ سامان کی چوری یا نقصان کے 156 واقعات کا جائزہ لیا گیا۔

تجزیے کے مطابق، "کو حماس نے امریکی فنڈ سے فراہم کردہ سامان سے فائدہ اٹھا یا ہے سے متعلق کو ئی رپورٹ نہیں ملی ۔"

محکمہ خارجہ کے ترجمان نے ان نتائج سے اختلاف کرتے ہوئے کہا کہ حماس کی جانب سے امداد کو  لوٹنے کے ویڈیو ثبوت موجود ہیں، لیکن ایسی کوئی ویڈیوز فراہم نہیں کیں۔ ترجمان نے روایتی انسانی امدادی گروپوں پر "امداد میں بدعنوانی" کو چھپانے کا الزام بھی لگایا۔

یہ نتائج USAID کے انسپکٹر جنرل کے دفتر اور مشرق وسطیٰ کی پالیسی میں شامل محکمہ خارجہ کے حکام کے ساتھ شیئر کیے گئے، جیسا کہ معاملے سے واقف دو ذرائع نے بتایا، اور یہ ایسے وقت میں سامنے آئے جب تباہ شدہ علاقے میں خوراک کی شدید قلت بڑھ رہی ہے۔

اسرائیل کا کہنا ہے کہ وہ امداد کی اجازت دینے کے لیے پرعزم ہے لیکن اسے کنٹرول کرنا ضروری ہے تاکہ اسے حماس کے ذریعے چوری ہونے سے روکا جا سکے، جسے وہ بحران کا ذمہ دار ٹھہراتا ہے۔

اقوام متحدہ کے عالمی خوراک پروگرام کے مطابق، غزہ کے 21 لاکھ فلسطینیوں میں سے تقریباً ایک چوتھائی قحط جیسی صورتحال کا سامنا کر رہے ہیں، ہزاروں افراد شدید غذائی قلت کا شکار ہیں، اور عالمی ادارہ صحت اور علاقے کے ڈاکٹروں نے بچوں اور دیگر افراد کی بھوک سے اموات کی اطلاع دی ہے۔

اقوام متحدہ کا یہ بھی اندازہ ہے کہ اسرائیلی افواج نے خوراک  کے متلاشی 1,000 سے زائد افراد کو ہلاک کیا، جن میں سے اکثریت غزہ ہیومینیٹیرین فاؤنڈیشن (GHF) کے فوجی تقسیم کے مقامات کے قریب ماری گئی، یہ  ایک نئی نجی امدادی تنظیم ہے جو ایک سابق سی آئی اے افسر اور مسلح امریکی فوجی تجربہ کاروں کے زیر انتظام منافع  لینے والی امریکی لاجسٹکس فرم استعمال کرتی ہے۔

یہ مطالعہ USAID کے بیورو آف ہیومینیٹیرین اسسٹنس (BHA) نے کیا، جو غزہ میں امداد کا سب سے بڑا فراہم کنندہ تھا، اس سے پہلے کہ ٹرمپ انتظامیہ نے جنوری میں تمام امریکی غیر ملکی امداد کو منجمد کر دیا، جس سے ہزاروں پروگرام ختم ہو گئے۔

تجزیے میں یہ  نشاندہی ہوئی ہے کہ 156 واقعات میں سے کم از کم 44 ایسے تھے جہاں امدادی سامان کی چوری یا نقصان "براہ راست یا بالواسطہ" اسرائیلی فوجی کارروائیوں کی وجہ سے ہوا۔

اسرائیلی فوج نے ان نتائج کے بارے میں سوالات کا جواب نہیں دیا۔

مطالعے نے ایک حد بندی کا بھی ذکر کیا: چونکہ امداد حاصل کرنے والے فلسطینیوں کی جانچ ممکن نہیں، اس لیے یہ ممکن تھا کہ امریکی فنڈ سے فراہم کردہ سامان حماس کے انتظامی اہلکاروں تک پہنچا ہو۔

ایک ذرائع نے خبردار کیا کہ حماس کی جانب سے امداد کی وسیع پیمانے پر چوری کی رپورٹس کی عدم موجودگی کا مطلب یہ نہیں کہ چوری بالکل نہیں ہوئی۔

غزہ میں جنگ اس وقت شروع ہوئی جب حماس نے اکتوبر 2023 میں اسرائیل پر حملہ کیا، جس میں 1,200 افراد ہلاک اور 251 یرغمال بنائے گئے ۔ فلسطینی صحت کے حکام کے مطابق، اسرائیلی حملے کے آغاز سے اب تک تقریباً 60,000 فلسطینی ہلاک ہو چکے ہیں۔

امدادی گروپوں کو نقصانات رپورٹ کرنے کی شرط

BHA نے جن 156 واقعات کا جائزہ لیا، وہ اقوام متحدہ کی ایجنسیوں اور دیگر انسانی امدادی گروپوں کی جانب سے رپورٹ کیے گئے تھے جو غزہ میں امریکی امداد کے فنڈز حاصل کرنے کی شرط کے طور پر کام کر رہے ہیں۔

ایک دوسرے ذریعے نے بتایا کہ امریکی فنڈ سے فراہم کردہ امداد کی چوری یا نقصان کی رپورٹس موصول ہونے کے بعد، USAID کے عملے نے شراکت دار تنظیموں کے ساتھ رابطہ کیا تاکہ یہ معلوم کیا جا سکے کہ آیا اس میں حماس ملوث تھی۔

تنظیمیں کہ حماس  کےقریب  ہونے کی اطلاع پر  امداد کی تقسیم کو "دوبارہ ترتیب دیتی ہیں یا روک دیتی ہیں"۔

غزہ میں کام کرنے والے امدادی گروپوں کو یہ بھی ضروری ہے کہ وہ اپنے عملے، ذیلی ٹھیکیداروں اور سپلائرز کی جانچ کریں تاکہ یہ یقینی بنایا جا سکے کہ ان کے انتہا پسند گروپوں کے ساتھ تعلقات نہیں ہیں، جو امریکی فنڈز حاصل کرنے کی شرط ہے۔

سلائیڈ پریزنٹیشن میں یہ بھی بتایا گیا کہ USAID کے شراکت دار تنظیمیں امریکی پابندیوں یا غیر ملکی دہشت گرد تنظیموں کے طور پر نامزد گروپوں، جیسے حماس اور فلسطینی اسلامی جہاد، کے ذریعے امداد کی چوری کو زیادہ رپورٹ کرتی ہیں تاکہ امریکی فنڈنگ کھونے سے بچ سکیں۔

156 واقعات میں سے، 63 کو نامعلوم افراد، 35 کو مسلح افراد، 25 کو غیر مسلح افراد، 11 کو براہ راست اسرائیلی فوجی کارروائیوں، 11 کو بدعنوان ذیلی ٹھیکیداروں، 5 کو امدادی گروپ کے عملے کی "بدعنوان سرگرمیوں" اور 6 کو "دیگر" کے زمرے میں شامل کیا گیا۔

جیسا کہ ایک سلائیڈ میں بتایا گیا  ہے کہ مسلح افراد میں "گینگ اور دیگر متفرق افراد شامل تھے جو ممکنہ طور پر ہتھیاروں سے لیس تھے۔ ایک اور سلائیڈ میں کہا گیا کہ "تمام 156 واقعات کے جائزے میں امریکی نامزد غیر ملکی دہشت گرد تنظیموں کے ساتھ کوئی تعلق نہیں پایا گیا، جن میں حماس بھی شامل ہے۔"

"زیادہ تر واقعات کو کسی مخصوص کردار سے حتمی طور پر منسلک نہیں کیا جا سکا،" "شراکت داروں نے اکثر یہ پایا کہ بغیر کسی مجرم کی شناخت کے سامان ٹرانزٹ میں چوری ہو گیا تھا ۔"

یہ ممکن ہے کہ حماس کی امداد کی چوری پر خفیہ انٹیلی جنس رپورٹس موجود ہوں، لیکن USAID کے عملے نے USAID کی تحلیل کے دوران خفیہ نظاموں تک رسائی کھو دی۔

تاہم، امریکی انٹیلی جنس تشخیصات سے واقف ایک ذریعے نے کہا کہ انہیں حماس کی امداد کی چوری کی تفصیلات دینے والی کوئی امریکی انٹیلی جنس رپورٹ معلوم نہیں اور واشنگٹن اسرائیلی رپورٹس پر انحصار کر رہا ہے۔

BHA کے تجزیے میں واضح کیا گیا ہے کہ اسرائیلی فوج نے "براہ راست یا بالواسطہ" کل 44 واقعات کا سبب بنایا جن میں امریکی فنڈ سے فراہم کردہ امداد چوری یا ضائع ہو گئی۔ ان میں 11 واقعات شامل تھے جو براہ راست اسرائیلی فوجی کاروائیوں، جیسے فضائی حملے یا فلسطینیوں کو جنگ زدہ علاقے سے انخلا کے احکامات، کی وجہ سے ہوئے۔

اسرائیلی فوج کے بالواسطہ طور پر منسوب نقصانات میں وہ کیسز شامل تھے جہاں انہوں نے امدادی گروپوں کو ایسے راستے استعمال کرنے پر مجبور کیا جو چوری یا لوٹ مار کے زیادہ خطرے والے تھے۔