Taarifa hiyo inasema kuwa maombi ya Malema yalikataliwa kwa misingi ya madai ya Marekani kwamba wazungu nchini Afrika Kusini wanakabiliwa na mateso — madai ambayo yamepingwa na wengi.
Ofisi ya viza ya Uingereza ilieleza kuwa uwepo wa Malema nchini humo “haungekuwa kwa manufaa ya umma,” ikitaja sababu kadhaa, ikiwa ni pamoja na msimamo wake wa kuunga mkono kundi la wapiganaji wa Palestina, Hamas.
Kwa mujibu wa tovuti ya habari ya News24, ambayo iliona nakala ya barua ya kukataliwa kwa viza hiyo, uamuzi huo pia umehusishwa na misimamo ya kisiasa ya Malema. Afisa mmoja wa Uingereza alithibitisha maudhui ya ripoti hiyo kwa shirika la habari la AFP kwa sharti la kutotajwa jina, lakini hakutoa maelezo zaidi.
Malema, mwenye umri wa miaka 44, ni kiongozi wa chama cha upinzani cha Economic Freedom Fighters (EFF), ambacho kina misingi ya siasa za Kimarxist na hupinga vikali mfumo wa kibepari. EFF ni miongoni mwa vyama vya upinzani vyenye ushawishi mkubwa nchini Afrika Kusini, hasa miongoni mwa vijana.
