İsrail qüvvələrinin ələ keçirdikləri “Madleen” gəmisində 12 nəfərin saxlanılması “beynəlxalq hüquq çərçivəsində fundamental hüquqların pozulması” sayılır.

  Qəzzaya humanitar yardım gətirmək üçün yola çıxan fəalların İsrailə girməyə cəhd etmədikləri, planlaşdırdıqları marşrutun Siciliyadan başlayaraq birbaşa Qəzzaya, yəni Fələstin dövlətinin ərazi sularına getmək olduğu bildirilib.

  Tələb edilib ki, 8 fəal ya Qəzzada humanitar yardım missiyalarını davam etdirsin, ya da sağ-salamat öz ölkələrinə göndərilsin.

  İsrail immiqrasiya məhkəməsi qərar qəbul edərək “Qəzza zolağının dəniz blokadasının İsrail qanunlarına görə qanuni olduğu və könüllülərin bilərəkdən bunu pozmağa çalışdığını” bildirib.

  İsrail tərəfindən saxlanılan fəallar Avropa Parlamentinin fransalı üzvü Rima Həsən, Almaniya vətəndaşı Yasemin Acar, Türkiyədən Hüseyn Şuayb Ordu, Braziliyadan Tiaqo Avila, Hollandiyadan Marko van Rennes, Fransadan isə Reva Viard, Paskal Maurieras və Yanis Mhamdidir.

  Qəzzaya gedən “Madleen” humanitar yardım gəmisindən saxlanılan 12 hüquq müdafiəçisindən 4-ü 11 iyun deportasiya edilərək ölkələrinə göndərilib. “Deportasiya sənədləri”ni imzalamaqdan imtina edən fəallardan 8-i Ramle şəhərindəki Givon həbsxanasında immiqrasiya məhkəməsində hakim qarşısına çıxarılacaq.