Prezident Rəcəb Tayyib Ərdoğan Şimali Kıbrıs Türk Cümhuriyyəti ilə beynəlxalq əlaqələri gücləndirmək çağırışını təkrarlayaraq, beynəlxalq ictimaiyyəti adadakı reallıqları tanımağa və Kıbrıs türklərinə qarşı illərdir davam edən ədalətsizliyə son qoymağa çağırıb.
Türkiyənin 1974-cü il Kıbrıs Sülh Hərəkatının 51-ci ildönümü münasibətilə Lefkoşada çıxış edən Ərdoğan "Kim nə desə desin, Allahın izni və Türkiyənin dəstəyi ilə Kıbrıs türkləri öz vətənlərində sonsuza qədər azad yaşamağa davam edəcəklər" deyib.
Türkiyənin iki dövlətli həll təklifini dəstəklədiyini təkrarlayan Ərdoğan BMT-nin dəstəklədiyi federasiya modelinin “köhnəldiyini” və dəfələrlə uğursuzluğa düçar olduğunu bildirib.
Ərdoğan Türkiyənin iki dövlətli həll yolunu dəstəkləməyə davam etdiyini vurğulayaraq, “BMT-nin tükənmiş federasiya modelinə əsaslanan parametrlərindən” imtina etməyin vaxtının gəldiyini qeyd edib.
Ərdoğan “Kıbrıs türklərinin itirəcək daha altmış ili yoxdur” ifadəsini işlədib və “Kıbrıs türk tərəfi dəstəyini açıq şəkildə geri çəkdiyi halda” həll səylərinin tətbiq edilməsini tənqid edib.
Dövlət başçısı "Dəfələrlə sınaqdan keçirilmiş və uğursuz bir həll modelində israr etmək heç kimə fayda vermir" deyib.
ŞKTC ilə birbaşa ticarətə və uçuşlara çağırış
Prezident Ərdoğan beynəlxalq ictimaiyyəti KKTC ilə birbaşa diplomatik və iqtisadi əlaqələr qurmağa, birbaşa uçuşlara və ticarətə başlamağa çağırıb. O, bu addımların adada sülh və sabitlik üçün vacib olduğunu vurğulayıb.
“Kıbrıs Rumları özlərini adanın yeganə hökmdarı və sahibi kimi göstərməyə çalışsalar da, hazırda Türk Dövlətləri Təşkilatı, İslam Əməkdaşlıq Təşkilatı və İqtisadi Əməkdaşlıq Təşkilatında təmsil olunan Şimali Kıbrıs Türk Cümhuriyyəti var”, -deyə döjvlət başçısı qeyd edib.
Ərdoğan 1974-cü ildə Yunanıstanın dəstəklədiyi çevrilişə qarşı başladılan və Kıbrıs türklərinə qarşı etnik zorakılığa səbəb olan hərbi əməliyyatın tarixi əhəmiyyətini vurğulayaraq deyib:
“Kıbrıs Sülh Hərekatı zamanı türk hərbçilərinin adaya gəlməsi ilə bütün dünya Kıbrıs türklərinin tək olmadığını gördü".
Türkiyənin davam edən dəstəyi
Ərdoğan 1983-cü ildə müstəqilliyini elan edən ŞKTC-nin beynəlxalq təcrid vəziyyətinə düşməsinə baxmayaraq, Türkiyənin dəstəyini davam etdirdiyini vurğulayıb.
Ərdoğan “Kıbrıs türklərinin yolunu kəsmək üçün hansı qapını bağladılarsa, biz həmişə yeni qapılar açdıq və yeni yollar tapdıq” deyib.
Qeyd edək ki, 1974-cü ildə Türkiyə Kıbrıs türklərini etnik zorakılıqdan qorumaq üçün qarant dövlət kimi müdaxilə edən Yunanların dəstəklədiyi çevrilişdən sonra Kıbrıs bölündü.
O vaxtdan bəri, BMT-nin rəhbərlik etdiyi bir sıra danışıqlar uzunmüddətli həll yolu ortaya qoya bilmədi.
2017-ci ildə İsveçrənin Krans-Montana şəhərində Türkiyə, Yunanıstan və Böyük Britaniyanın qarant dövlətlər kimi cəlb olunduğu böyük cəhd uğursuzluqla nəticələndi.
Ərdoğan Türkiyənin ŞKTC-nin inkişafına yatırdığı sərmayələrə də toxunaraq deyib:
“ŞKTC-ni Şərqi Aralıq dənizində təkcə nəqliyyatda deyil, həm də turizmdə, məşğulluqda və sərmayədə parlayan ulduza çevirdik”.
"Adadakı reallıqlar"
Rum administrasiyası 2004-cü ildə Avropa İttifaqına daxil olarkən eyni vaxtda Kıbrıs türkləri tərəfindən təsdiqlənən BMT-nin birləşmə planını rədd edərək adadakı siyasi parçalanmaları dərinləşdirdi.
Ərdoğan beynəlxalq ictimaiyyətin reallıqları yerində tanımasının vaxtının çatdığını bir daha vurğulayıb:
"Beynəlxalq ictimaiyyətin adadakı reallıqlarla üzləşməsinin vaxtıdır".
Ərdoğan çıxışını Türkiyənin Kıbrıs türk xalqının siyasi bərabərliyinə və suverenliyinə davamlı sadiqliyini vurğulayaraq yekunlaşdırıb.
