“TRT World” 2025-ci il “New York Festivals”də (NYF) bədii və sənədli filmlər üzrə dörd nüfuzlu mükafata layiq görülərək beynəlxalq media və sənədli film istehsalında aparıcı mövqeyini bir daha təsdiqlədi.
TRT dövlət yayımçısı müxtəlif kateqoriyalar, o cümlədən “Araşdırmaçı jurnalistika”, “Beynəlxalq məsələlər” və “Tanıtım məzmunu” üzrə seçilib.
“TRT World” “Araşdırmaçı jurnalistika” kateqoriyasında “Müqəddəs qurtuluş” (Holy Redemption) sənədli filmi ilə Qızıl, “Beynəlxalq məsələlər” nominasıyasında isə Gümüş mükafatlar qazanıb.
“Holy Redemption” sənədli filmində “TRT World” komandalarının işğal olunmuş İordan çayının Qərb sahillərində qeyri-qanuni radikal yəhudi məskunlaşma qruplarına sızaraq əldə etdikləri eksklüziv gizli çəkilişləri təqdim olunur. Film Fələstin torpaqlarının sistematik şəkildə mənimsənilməsi, insan hüquqlarının pozulması və bölgədəki mülki əhalinin gündəlik çətinliklərini əhatə edən nadir və dərin bir baxış sərgiləyir. Cəsarətli və tərəddüdsüz jurnalist yanaşması ilə sənədli film bu ərazilərdə beynəlxalq hüququn tez-tez qulaqardına vulurduğunu göstərir.
Digər Gümüş mükafat “Xəbər proqramı tanıtımı” kateqoriyası üzrə “TRT World”ün hazırladığı “Anniversary Promo” üçün təqdim edilib. Bu vizual baxımdan təsirli tanıtım filmi kanalın 9-cu ildönümü münasibətilə hazırlanıb, “TRT World”ün redaksiya istiqaməti və qlobal baxışını auditoriyaya effektiv şəkildə çatdırır.
“Cari məsələlər” kateqoriyasında “Yemen: The Third Frontier” sənədli filmi də Gümüş mükafat qazanıb. Bu film Yəməndə davam edən münaqişənin humanitar təsirlərini araşdırır və müharibənin gizli aspektlərini üzə çıxarır. Sənədli filmdə Husi qüvvələri tərəfindən ələ keçirilən birinci gəmi “Galaxy Leader”ə nadir çıxışı və cəbhə xəttindən güclü görüntülər təqdim olunur. “TRT World” Yəməndəki aclıq böhranı, səhiyyə xidmətlərinə məhdud çıxış və humanitar yardım çatışmazlığına dünyanın diqqətini çəkir.
Bu mükafatlar “TRT World”ün nailiyyətlərini və kanalın qlobal media səhnəsində artan təsirini vurğulayır. Kanal üzərindən keçilən hadisələrə işıq tutaraq onları beynəlxalq aləmə çatdırmaq missiyasını əks etdirir.
