Moska dhe Kievi kanë realizuar të enjten një tjetër shkëmbim të të burgosurve të luftës në kuadër të marrëveshjes së arritur në Iatanbul më 2 qershor, njoftoi Ministria e Mbrojtjes e Rusisë.

Ministria bëri të ditur se ushtarët rusë ndodhen aktualisht në Bjellorusi, ku po marrin kujdes mjekësor dhe mbështetje psikologjike, pa dhënë detaje për numrin e personave të përfshirë në shkëmbim.

Më pas, të gjithë të kthyerit do të transferohen në institucione mjekësore në Rusi për të vazhduar trajtimin dhe rehabilitimin, shtoi ministria.

Presidenti ukrainas Volodymyr Zelenskyy gjithashtu konfirmoi shkëmbimin, duke thënë se shumë nga ushtarët e liruar kanë qenë të burgosur që nga viti 2022.

“Po bëjmë gjithçka që të gjejmë të gjithë, të verifikojmë informacionin për çdo emër. Duhet t’i kthejmë të gjithë njerëzit tanë në shtëpi. Faleminderit të gjithëve që na ndihmojnë në këtë,” shkroi Zelenskyy në Telegram.

Rusia dhe Ukraina ranë dakord për një shkëmbim të ri të të burgosurve dhe për kthimin e mijëra trupave të të vrarëve gjatë luftës, gjatë bisedimeve në Istanbul më 2 qershor.

Raundi i parë i bisedimeve në Istanbul, që ishin bisedimet e para direkte mes palëve ndërluftuese në tre vitet e fundit, u zhvillua në maj.