Солтүстік Кипр Түрік Республикасы (СКТР) әуе тасымалын жеңілдету және қолжетімді ету мақсатында Түркияның ұлттық әуе тасымалдаушысы “Turkish Airlines” және “AJet” компанияларымен хаттамаға қол қойды.

Дүйсенбі күні ел астанасы Лефкошадағы Президенттік сарайда өткен қол қою рәсіміне СКТР президенті Ерсин Татар және бірқатар жоғары лауазымды тұлға қатысты.

Хаттамаға СКТР премьер-министрі Үнал Үстел және “Turkish Airlines” директорлар кеңесі мен атқарушы комитетінің төрағасы Ахмет Болат қол қойды.

Бұл хаттама СКТР-ға әуе тасымалын арзандатып, билет бағаларын тұрақтандыру және туристік сапарларды арттыру мақсатында жасалды. Осыған сәйкес “AJet” компаниясы СКТР-дың Ержан әуежайынан Түркияның ірі қалаларына тұрақты рейс ұйымдастырады.

‘Туризм саласының бәсекеге қабілеттілігі артады’

Хаттамаға сәйкес, Түркия мен СКТР арасындағы рейстердің билет бағасының шегі 150 АҚШ доллары (шамамен 6,000 түрік лирасы) болып белгіленді.

Татар бұл хаттаманың СКТР туризміне оң әсер ететінін айтып, “Бұл қадамдар арқылы туризм саласының бәсекеге қабілеттілігі артады,” - деді.