Сауд Арабиясының тақ мұрагері Иранның Сыртқы істер министрімен кездесті
Тегеран мен Эр-Рияд аймақтық тұрақтылық пен дипломатиялық келіссөздер өткізді. Аракчи АҚШ өкілімен кездескеннен кейін ядролық келіссөздерді қайта бастауға дайын екендерін білдірді.
Сауд Арабиясының тақ мұрагері Иранның Сыртқы істер министрімен кездесті
/ User Upload
9 Шілде 2025

Сауд Арабиясының тақ мұрагері Мұхаммед бин Салман Жиддада Иранның Сыртқы істер министрі Аббас Аракчимен кездесті. Бұл - Иран билік өкілдерінің 12 күндік қақтығысынан кейін әмірлікке жасаған алғашқы сапары.

Сауд Арабиясының ресми ақпарат агенттігі «SPA»-ның хабарлауынша, сейсенбі күні өткен кездесуде екіжақты қарым-қатынастар мен аймақтық оқиғалар талқыланған.

Иран Сыртқы істер министрінің орынбасары Аббас Аракчи Сауд Арабиясының Сыртқы істер министрі, ханзада Фейсал бен Фархан әл Саудпен және Қорғаныс министрі Халид бен Салманмен де кездесулер өткізді.

Иран Сыртқы істер министрлігінің баспасөз хатшысы Исмаил Багайи өзінің «X» платформасындағы жазбасында келіссөздерді «нәтижелі» деп бағалады.

Бұл сапар Тегеран мен Вашингтон арасындағы жаңа дипломатиялық байланыстардан кейін өтті. Аракчи АҚШ президенті Дональд Трамптың Таяу Шығыс бойынша өкілі Стив Уиткоффпен маусым айының ортасында Израильмен соғыс басталғанға дейін тарихи келісімге қол жеткізуге жақындағанын айтты.

Иранның дипломатияға ұмтылуы

Аракчи «Financial Times» газетінде жарияланған мақалада «Тоғыз аптаның ішінде АҚШ өкілімен өткен бес кездесуде Байден әкімшілігімен өткізілген төрт жылдағы сәтсіз ядролық келіссөздерден де көбірек ілгерілеушілікке қол жеткіздік. 13 маусымда Израиль әуе шабуылынан 48 сағат бұрын шешуші алтыншы кездесуге дайындалып жатқан болатынбыз»,- деді.

Аракчи Иранның дипломатияға ашық екенін, бірақ АҚШ-тың міндеттемелерінсіз келіссөздердің тұрақтылығына күмән келтіретінін айтты. «Егер бұл мәселені шешуге ниетті болса, АҚШ әділ келісімге шынымен дайын екенін көрсетуі керек», - деді.

Аракчи Вашингтонның келіссөз үстеліне қайта оралуға дайын екендігі туралы жаңа хабарламалар алғандарын айтып, Иранның БҰҰ бақылауындағы бейбіт ядролық бағдарламаны ұстанатынын қайталады.

Аракчи Израильмен жақында болған қақтығысқа қатысты Тегеранның шабуылға қатаң жауап бергенін және кез келген іркілісті әлсіздік деп түсінуге болмайтынын баса айтты. «Иран Израиль бастаған соғысты аяқтау үшін Трамптың араласуына дейін шабуылға қарсы тұрды»,-деді. Сондай-ақ ол Иранның болашақтағы кез келген шабуылға тойтарыс беретінін ескертті.

АҚШ президенті Дональд Трамп дүйсенбі күні Иранмен келіссөз жоспарланып отырғанын растаған болатын. Трамп Израиль премьер-министрі Беньямин Нетаньяхумен Ақ Үйдегі кездесуінде «Олар сөйлескісі келеді», - деді.

Іздеу
Зеленский Еуроодаққа үндеу жасады
Терроризмге қарсы күрестегі жеңіс
Марко Рубио мен Қытай Cыртқы істер министрі Малайзияда кездеседі
"Түркия Сребреница геноцидін жоққа шығаратын пікірлерді қабылдамайды"
Пәкістанның оңтүстік-батысында қарулы адамдар тоғыз адамды өлтірді
"Ресей-Украина соғысын тоқтату мүмкіндігін жіберіп алмау керек"
АҚШ, Оңтүстік Корея және Жапония бірлескен әуе жаттығуларын өткізді
АҚШ мигранттарға берілетін көмекті шектеді
Айя-София Ұлы мешітінің ашылғанына бес жыл болды
Түркияның "Türksat" жерсерігі Сирияға интернет тарата бастады
Рубио Лавровқа: «АҚШ Украинаның тығырыққа тірелуіне ашулы» деді
Түркияның Коммуникация басқармасының басшысы болып Бурханеттин Дуран тағайындалды
Қытай Оңтүстік-Шығыс Азияның ядролық қарудан азат аймағы туралы шартқа қол қояды
Хоуситтердің шабуылына ұшыраған кемеден тағы төрт теңізші құтқарылды
Ресейдің Киевке шабуылында екі адам қаза тапты
TRT Global-ға шолу. Пікіріңіз біз үшін маңыз.
Contact us