АҚШ президенті Дональд Трамптың бұрынғы одақтасы Илон Маск АҚШ-та жаңа саяси партия құрғанын мәлімдеді. Технология миллиардері елдегі «бірпартиялық жүйе» деп атаған жағдайға қарсы тұру үшін осындай қадамға барғанын айтты.

Маск - әлемдегі ең бай адам және 2024 жылғы сайлауда Трамптың ең ірі саяси демеушісі болды.. Ол Республикалық партияның шығындарды қысқарту және федералдық жұмыс орындарын азайту әрекеттерін басқарған «Үкімет тиімділігі департаментінің» басшысы ретінде қызмет еткеннен кейін Трамппен араздасып кетті.

«Елімізді ысырап пен жемқорлық арқылы банкротқа ұшырату мәселесіне қарағанда біз демократия емес, бірпартиялық жүйеде өмір сүріп жатырмыз», – деп жазды “SpaceX” және “Тesla” компанияларының басшысы Маск.

Ол «Бүгін Америка партиясы құрылды, ол сізге еркіндігіңізді қайтару үшін жұмыс істейді» деп мәлімдеді. Маск жұма күні “X” желісінде сауалнама жариялап, респонденттерден «екі партиялық (кейбіреулер оны бірпартиялық деп атайды) жүйеден құтылғыңыз келе ме?» деп сұрады.

Бұл сауалнамаға 1,2 миллионнан астам адам жауап берді.

Трамп Маскты “елден қуып шығамын” деп қорқытты

Өткен айдың соңында Трамп Конгрестегі республикашылдарды өзінің ауқымды ішкі бағдарламасын «Жалғыз үлкен әдемі заң» түрінде қабылдауға итермелеген кезде, Трамп пен Маск арасындағы жанжал қайта өршіді.

Маск бұл заң жобасына қатты қарсы шығып, оны қолдаған республикашыларды «қарыз құлдығы» үшін сынады. Ол федералдық шығындарды азайтуға уәде берген заң шығарушыларға қарсы жаңа саяси партия құруға уәде берді. Сарапшылардың айтуынша, бұл заң он жыл ішінде АҚШ бюджетінің тапшылығын тағы 3,4 триллион долларға арттырады.