Пентагон 2026 жылғы бюджетінде Сириядағы қарулы топтарды, соның ішінде YPG басым болып табылатын SDF-ті қолдау үшін «Терроризмге қарсы жаттықтыру және жабдықтау қоры» (CTEF) аясында 130 миллион доллар бөлді.

АҚШ Қорғаныс министрлігінің 2026 жылғы бюджетінің негіздемесі туралы құжатқа қарағанда, бұл қаражат АҚШ қолдайтын SDF пен Сирияның оңтүстік-шығысындағы Сирияның Еркін армиясымен бірге Ирак пен Ливандағы «сенімді серіктес күштерді» оқытуға, жабдықтауға және ай сайынғы жалақыларын төлеуге бағытталған.

Бұл қаражаттың жеңіл қарулармен қатар медициналық жабдықтар мен нысандарды жөндеуді қамтитынын атап өтіп, құжатта «ДАИШ-тың қайта күшеюі АҚШ-тың ұлттық мүдделеріне, Ирак, Сирия, Ливан халықтарына және жаһандық қауымдастыққа қауіп төндіреді» делінген.

YPG Түркия, АҚШ және Еуропалық Одақ тарапынан террористік ұйым ретінде танылған PKK-ның Сириядағы тармағы болып табылады.

PKK/YPG террористік тобына ең үлкен үлес бөлінді

Пентагонның 2026 жылғы бюджетінде Сирияға бөлінген 130 миллион доллардың 7,42 миллионы Бадия шөліндегі ДАИШ қалдықтарына қарсы күресетін Сирияның Еркін армиясына берілген.

Алайда қаржының басым бөлігі SDF-ке бағытталды.

Бұл соңғы қаржыландыру 2025 жылы бөлінген 147,9 миллион доллар мен 2024 жылы бөлінген 156 миллион доллардың жалғасы болып табылады. Вашингтон Сириядағы осындай топтарға ДАИШ-қа қарсы күрес аясында қаржы бөледі.

Түркия, АҚШ және Еуропалық Одақ тарапынан террористік ұйым ретінде танылған PKK 40 жылдан астам уақыттан бері 40 мыңнан астам адамды өлтірді.

Түркия “PKK/YPG ұйымына кез келген мақсатта қаруландыру терроризмді тікелей қолдау” деп есептейді.