Ресейдің бұрынғы көлік министрі Роман Старовойт президент Владимир Путин ресми түрде қызметінен босатқаннан бірнеше сағат өткен соң өз-өзіне қол жұмсады. Бүл туралы Ресейдің Тергеу комитеті хабарлады.

Дүйсенбі күні комитет Старовойттың денесі Мәскеу маңындағы ауданнан табылғанын мәлімдеді. Оның өліміне «өз-өзіне қол жұмсау» себепболған деп айтылады. 53 жастағы Старовойт 2024 жылдың мамыр айынан бері Ресейдің көлік министрі қызметін атқарған болатын.

Бұған дейін ол Курск облысының губернаторы болған, ол жерде Ресей Украина шабуылына қарсы күрес жүргізген. «Бүгін Роман Старовойттың денесі жеке автокөлігінен оқ жарақатымен Одинцово ауданында табылды», – делінген Тергеу комитетінің мәлімдемесінде. «Негізгі болжам– өз-өзіне қол жұмсау», – деп қосты комитет. Ресейдің мемлекеттік БАҚ-тары мен ақпарат агенттіктері Старовойттың өзін-өзі атқанын хабарлады. Оның нақты қай уақытта қайтыс болғаны белгісіз.

Бұған дейін бірнеше сағат бұрын Кремль Путин қол қойған жарлықты жариялап, Старовойтты көлік министрі қызметінен босатқанын мәлімдеген еді. Жарлықта тек «Роман Старовойт көлік министрі қызметінен босатылды», – деп жазылған.

Старовойт Украина дрондарының шабуылынан кейін Ресей әуежайларындағы демалыс күндеріндегі көлік хаосынан кейін қызметінен босатылды. Мемлекеттік БАҚ-тар бұл шешімді Курск облысындағы жемқорлық және шекара аймағындағы бекіністерге бөлінген қаражаттың ұрлануына қатысты қылмыстық іс мүмкіндігімен байланыстырды.

Старовойттың өлімі туралы хабарланбай тұрып, Кремль өкілі Дмитрий Песков оның қызметтен босатылуы «сенімнің жоғалуымен байланысты емес» екенін айтқан болатын. Кремль Старовойттың қызметтен босатылғанын жариялағаннан кейін көп ұзамай Путин оның орынбасарларының бірі Андрей Никитинмен кездесіп, оны көлік министрінің міндетін атқарушы етіп тағайындады.