غّزہ جنگ
2 منٹ پڑھنے
اسرائیل ہر صورت میں غزہ میں جنگ جاری رکھے گا: نیتن یاہو
اسیروں کے تبادلے اور جنگ بندی کے معاہدے کے لیے جاری مذاکرات کے باوجود اسرائیل غزہ میں جنگ جاری رکھے گا: بنیامین نیتن یاہو
اسرائیل ہر صورت میں غزہ میں جنگ جاری رکھے گا: نیتن یاہو
US Israel Congress Netanyahu / AP
7 گھنٹے قبل

اسرائیل کے وزیر اعظم بنیامین نیتن یاہو نے کہا ہے کہ اسیروں کے تبادلے اور جنگ بندی کے معاہدے کے لیے جاری مذاکرات کے باوجود اسرائیل غزہ میں جنگ جاری رکھنے کے لیے پرعزم ہے۔

سوشل میڈیا پلیٹ فارم ایکس پر جاری کردہ بیان میں نیتن یاہو نے کہا کہ شمالی غزہ میں جھڑپوں کے دوران پانچ اسرائیلی فوجی ہلاک ہوئے اور یہ دن اسرائیلی عوام کے لیے ایک مشکل دن تھا۔

وزیر اعظم نیتن یاہو نے کہا کہ وہ غزہ میں جاری جنگ کے مقاصد حاصل کرنے کے لیے پرعزم ہیں۔

نیتن یاہو نے کہا کہ جنگ کے مقاصد یہ ہیں: تمام اسیروں کی رہائی کو یقینی بنانا، حماس کی فوجی اور انتظامی صلاحیت کو ختم کرنا، اور یہ یقینی بنانا کہ غزہ اسرائیل کے لیے مزید خطرہ نہ بنے۔ انہوں نے مزید کہا کہ اس کا مطلب یہ ہے کہ حماس کا وجود ختم ہو جائے گا۔

نیتن یاہو نے کہا کہ اس کے نتیجے میں تمام اسرائیلی اسیررہا ہو جائیں گے، حماس کو کمزور اور تحلیل کر دیا جائے گا، غزہ اسرائیل کے لیے مزید خطرہ نہیں رہے گا، اور ان کا مشن ابھی مکمل نہیں ہوا۔

دوسری جانب، اخبار ہارٹز کے مطابق، امریکہ کے صدر ڈونلڈ ٹرمپ کے مشرق وسطیٰ کے لیے خصوصی نمائندے اسٹیو وٹکوف نے ایک بیان میں کہا کہ جنگ بندی اور اسیروں  کے تبادلے کے حوالے سے پہلے چار نکات پر اختلاف تھا، لیکن اب صرف ایک باقی ہے۔

وٹکوف نے کہا کہ انہیں امید ہے کہ اس ہفتے کے آخر تک ایک معاہدہ طے پا جائے گا جس کے نتیجے میں 60 دن کی جنگ بندی ہوگی۔

کل جاری کردہ ایک بیان میں، اسرائیلی فوج نے کہا کہ کفیر بریگیڈ کی نتزاح یہودی بٹالین کے پانچ اسرائیلی فوجی غزہ میں ہلاک ہو گئے۔

اعلان کیا گیا کہ اسرائیل کے غزہ پر حملوں کے آغاز 7 اکتوبر 2023 سے اب تک ہلاک شدگان اسرائیلی فوجیوں کی تعداد 888 تک پہنچ گئی ہے۔

 

 

دریافت کیجیے
لوور میوزیم میں تاریخی تزئین و آرائش: "مونا لیزا" کے لئے خصوصی کمرہ
قیدیوں کی زبانی،الاباما جیل کہانی
ہاتشیپسوت کے تاریخی نوادرات
چار سو سال پرانا آشوری بازار
محبت کیا ہے؟
ترک فنکار، زنزیبار کی سمندری معیشت کو فنون کے ذریعے جانبرکر رہے ہیں
داتچہ میں عہدِ عثمانیہ کا غرق شدہ  بحری جہاز  17ویں صدی کی بحری تاریخ پر روشنی ڈال رہاہے
عہدِ عثمانیہ میں رمضان اور حضوری   دروس
ترک ڈرامے دنیا میں ترکیہ کے چہرے کو بدل رہے ہیں
آزادی فلسطین کی حامی وکیل عائشہ نور
ڈنمارک  کا آرکٹک سمندر  میں اپنے وجود  کو مضبوطی دلانے کے لیے 2 بلین ڈالر کی فوجی امداد کا اعلان
بنگلہ دیش کی طرف سے  ہندوستانی سیاست دان کی طرف سے اقوام متحدہ کے امن مشن کے مطالبے کی مذمت
ہیضے نے سوڈان کو اپنی لپیٹ میں لے رکھا ہے تو جاری جھڑپوں کے دوران 1200 سے زیادہ افراد ہلاک ہو گئے
یوکرین نے مغرب سے جوہری ہتھیار حاصل کیے تو روس 'تمام ہتھیار' استعمال کرے گا: پوتن
آئی سی سی چیف:جنگی جرائم کی عدالت خطرے میں ہے
TRT گلوبل چیک کریں۔ اپنی رائے کا اشتراک کریں!
Contact us