Waganda, kama ilivyo kwa raia wengine duniani, wanaomboleza kifo cha Papa Francis, lakini huzuni yao kwa namna ya tofauti imeambatana na wimbo wa aina yake.

Wakati habari za kifo cha Papa zilipoenea katika mitandao ya jamii siku ya Aprili 21, waganda walirudisha nyuma kumbukumbu zao kwa wimbo maalumu ulioimbwa na msanii Bobi Wine mwaka 2015.

TRT Global - Kwaheri Papa Francis, ahsante kwa kuwajali Wapalestina

Kiongozi huyo wa Kanisa Katoliki duniani amefariki dunia Jumatatu ya Pasaka, wakati wakristu ulimwenguni wakiwa kwenye shamrashamra za kusherehekea ufufuko wa Yesu Kristo.

🔗

“Karibu Papa Francis,” ilikuwa sehemu ya utangulizi wa wimbo huo ambao ulitumika kumkaribisha Papa Francis katika safari yake ya kihistoria katika taifa hilo, mwezi Novemba.

Karibu Papa

Haukuwa wimbo tu. Yalikuwa ni maandalizi ya kiroho, wito kwa raia wa Uganda kupokea ujumbe wa amani toka kwa Baba Mtakatifu huyo.

TRT Global - Kiongozi wa Kanisa Katoliki duniani Papa Francisco afariki dunia

Kanisa katoliki linaomboleza kifo cha kiongozi wake Papa Francisco.

🔗

Bobi Wine, akishirikiana na kwaya ya Kanisa la Rubaga na mwandaaji Tonny Houls na Silver Kyagulanyi, walitunga wimbo ambao uliwakilisha hisia za wengi kwa kipindi hicho. ulikuwa na uhalisia kwa wengi katika taifa hilo.

Tungo za nyimbo, zikiwa na nukuu kutoka kwa Papa mwenyewe, zikihimiza hadhi ya kila binadamu, na kutangaza kwamba, “Watu hawana thamani.”

Bobi Wine alipendezwa na unyenyekevu wa Papa Francis, hasa alivyojitoa kwa watu walio kwenye mazingira duni, hasa alipoimba: “Tunakupongeza kwa unyenyekevu wako na upendo wako kwa jamii ya kimaskini.”

Heshima

Kupitia ukurasa wake wa X siku ya Jumatatu, msanii huyo alionesha masikitiko yake kwa kifo cha Papa Francis.

“Naungana na ulimwengu mzima kumuomboleza Baba Mtakatifu aliyefariki dunia asubuhi hii. Tunaomba mabadiliko aliyoyasimamia yaifanye dunia iwe ni sehemu bora zaidi.”

Wimbo huo umeibua simanzi mpya katika mtandao wa X uliposambazwa pamoja na picha ya Parokia ya Lubaga Cathedral iliyopo jijini Kampala, eneo ambalo lilitembelewa na Papa Francis.

Papa Francis alitembelea nchi 10 za Afrika katika safari tano katika bara hilo katika miaka yake 12 ya uongozi wa Kanisa Katoliki.

Nchi hizo ni pamoja na Msumbiji, Madagascar, Congo, Sudan Kusini, na Jamhuri ya Afrika ya Kati.