Idadi ya vifo kutokana na mashambulizi ya Israel na milio ya risasi katika Gaza katika siku ya pili ya Eid al Adha imeongezeka hadi Wapalestina 22, kulingana na vyanzo vya ndani.

Zaidi ya wengine 40 walijeruhiwa katika mashambulizi hayo.

Watu 12, wakiwemo wanne wa familia moja, waliuawa katika shambulizi la makombora la Israel lililolenga mahema ya Wapalestina waliokimbia makazi yao magharibi mwa Khan Younis kusini mwa Gaza.

Watu saba zaidi waliuawa katika shambulizi la anga lililofanywa na Israel dhidi ya nyumba inayohifadhi watu waliokimbia makazi yao magharibi mwa Gaza City.

Zaidi ya hayo, Wapalestina watano waliuawa kwa kupigwa risasi karibu na kituo cha usambazaji misaada magharibi mwa Rafah, na wengine kadhaa kujeruhiwa.

Tangu Mei 27, Wapalestina 115 wameuawa walipokuwa wakijaribu kupata misaada ya kibinadamu.