Waziri wa Mambo ya Nje wa Uingereza David Lammy ameipongeza nafasi muhimu ya Uturuki ya kikanda wakati wa mkutano na waandishi wa habari jijini Ankara kufuatia mazungumzo na waziri wa Mambo ya Nje wa Uturuki Hakan Fidan.
Lammy Jumatatu alisisitiza uhusiano wa karibu wa kidiplomasia kati ya Uingereza na Uturuki, uliojengwa juu ya misingi ya mazungumzo ya mara kwa mara, mfumo mmoja wa kimkakati, na uhusiano wa kina wa kitamaduni.
"Katika miezi hiyo 12 ofisini, hakujawa na mwezi mmoja ambao sijakutana au kuzungumza, mara nyingi zaidi ya mara moja, na Waziri Hakan Fidan," alisema, akiashiria nguvu wa uhusiano kati ya Uingereza na Uturuki.
Lammy alidokeza ya kuwa takriban raia milioni tano wa Uingereza wanatarajiwa kusafiri hadi Uturuki mwaka huu na kuwepo kwa jamii zinazozungumza Kituruki nchini Uingereza kama ushahidi wa kudumu kwa uhusiano kati ya watu wa nchi hizo mbili.
Alisisitiza mazungumzo yanayoendelea ya Mkataba mpya wa Biashara Huria, utakaofikia kiwango cha pauni bilioni 28 (dola bilioni 38.4) katika biashara ya kila mwaka.
"Kufanya kazi kwa ushirikiano na kuwa na viwanda vya Kituruki na biashara, zinazopatika mara nyingi nchini Uingereza, ni ushahidi wa uhusiano huo mkubwa wa kibiashara," aliongeza.
Nafasi ya Uturuki kuleta amani Ukraine, Gaza na Syria
Lammy alisifu juhudi za Uturuki za kutafuta amani na kukabiliana na uchokozi wa Urusi nchini Ukraine, akibainisha kazi ya Ankara ya kuleta utulivu katika eneo la Bahari Nyeusi na kutafuta usitishaji mapigano uliotafutwa kwa muda mrefu.
"Nimeshukuru sana kwa kazi ambayo Uturuki imefanya kujaribu kuleta amani ... na kumaliza upotezaji mkubwa wa maisha," alisema, akitoa mfano wa mateso yanayoendelea kwa raia wa Ukraine na jeshi la Urusi.
Kuhusu Gaza, Lammy alisisitiza wasiwasi wa pamoja wa nchi zote mbili juu ya mzozo wa kibinadamu na akasisitiza ahadi thabiti ya suluhisho la serikali mbili.
Pia alithibitisha kuwa Syria ilikuwa mada ya majadiliano, akithibitisha kuthamini kwa nchi ya Uingereza ushirikiano wa Uturuki juu ya usalama wa kikanda.
"Tuna uhusiano wa karibu sana wa kufanya kazi kati ya Uingereza na Uturuki, na nadhani utayaona hayo katika miezi ijayo, katika wakati huu mgumu sana na wenye changamoto wa kisiasa wa kijiografia," alisema.
