Forcat e sigurisë kapën 67 të dyshuar për terrorizëm në operacionet antiterroriste në mbarë Türkiyen, tha të martën ministri i Brendshëm i Türkiyes, Ali Yerlikaya.

Nga gjithsej, 12 të dyshuar për terrorizëm u kapën në provincat Mersin, Van, Sanliurfa, Mardin dhe Aydin, tha ministri Yerlikaya në platformën X.

Ai shtoi se 55 të dyshuar të tjerë për terrorizëm u mbajtën në operacion në 16 provinca.

Rreth 13.400 pjesëtarë të forcave të sigurisë morën pjesë në këto operacione.

Sipas ministrit nga mëngjesi 466 operacione janë kryer në zonat rurale.

Ai falënderoi Organizatën Kombëtare të Inteligjencës Turke (MIT), policinë dhe ekipet e xhandarmërisë që morën pjesë në operacione.

Më 1 tetor, një kamikaz hodhi veten në ajër përpara Drejtorisë së Përgjithshme të Sigurisë në kryeqytetin e Türkiyes, Ankara. Dy policë kanë pësuar lëndime të lehta, ndërsa një tjetër terrorist është vrarë nga forcat e sigurisë. Ministria e Brendshme turke konfirmoi lidhjet e sulmuesve me grupin terrorist PKK.

Në fushatën e saj terroriste më shumë se 35-vjeçare kundër Türkiyes, PKK-ja – e listuar si një organizatë terroriste nga Türkiye, ShBA-ja dhe BE-ja – ka qenë përgjegjëse për vdekjen e mbi 40.000 njerëzve, duke përfshirë gra, fëmijë dhe foshnja.