Presidenti rus, Vlladimir Putin, ka deklaruar se Moska është e gatshme ta mbajë raundin e ardhshëm të bisedimeve të paqes me Ukrainën në Istanbul.

Duke folur në një konferencë për media në Minsk të Bjellorusisë, Putin tha se data e raundit të tretë të bisedimeve ruso-ukrainase në Istanbul do të përcaktohet pas përfundimit të shkëmbimeve të të burgosurve të luftës, të negociuara në Türkiye më 2 qershor.

“Në përgjithësi, ne jemi gati për këtë, duhet të koordinojmë vendin dhe kohën. Shpresoj që presidenti i Republikës së Türkiyes z. Erdoğan të mbetet në qëndrimin e tij për të mbështetur këtë proces dhe ne jemi shumë mirënjohës ndaj tij për këtë”, tha Putin.

Ai tha se datat e takimit të ardhshëm ruso-ukrainas do të përcaktohen nga kreu i ekipeve negociuese.

“Ne jemi të gatshëm të zhvillojmë një takim të tillë në Stamboll. Por, kur konkretisht janë udhëheqësit e grupeve nga të dyja palët dhe ata janë në kontakt të vazhdueshëm, ata tani po bien dakord për kohën e takimit”, tha ai.

Presidenti rus gjithashtu tha se sipas mendimit të tij ekipet duhet të diskutojnë memorandumet mbi një traktat të paqes.