Me moton “Stop gjenocidin në Gaza” në Sheshin "Skënderbej" në Tiranë u mbajt tubimi në mbështetje të Palestinës dhe duke bërë thirrje për ndalimin sulmeve të Izraelit ndaj popullit palestinez.

Të pranishmit në tubim me flamuj të Shqipërisë, Palestinës dhe Türkiyes mbanin në duar pankarta me mbishkrimet “Ndalo bombardimin në Gaza", "Ndal krimet e luftës së Izraelit në Gaza", “Palestina e lirë, fund okupacionit izraelit”, "Të ndalohet rrethimi i Gazës", “Stop antisemitizmit-Stop islamofobisë” dhe të tjera pankarta të ngjajshme.

Qytetarët që kishin dalë në këtë tubim bënë thirrje që të ndalet lufta dhe të “ndalohet masakra dhe spastrimi etnik ndaj popullit palestinez në Gaza".

Protestuesit kishin planifikuar edhe marshim përgjatë Bulevardit "Dëshmorët e Kombit" dhe drejt Sheshit "Nënë Tereza" në Tiranë, por nuk u lejuan nga forcat e rendit, edhe pse për planin e këtij tubimi kishin njoftuar paraprakisht autoritetet.

Ndryshe, protestë në mbështje të Palestinës dhe dënimin e sulmeve të Izraelit ndaj palestinezëve u mbajt edhe gjatë muajit tetor në Tiranë.