Presidenti i Türkiyes, Recep Tayyip Erdoğan, ka diskutuar marrëdhëniet dypalëshe, si dhe çështjet rajonale dhe globale, me kancelarin austriak Christian Stocker në telefon të enjten.

Sipas një noftimi nga Drejtoria turke e Komunikimeve, Erdoğan ka thënë se mundësia për t’i dhënë fund luftës midis Rusisë dhe Ukrainës nuk duhet të shpërdorohet dhe se dërgimi i ndihmës urgjente humanitare në Gaza sa më shpejt të jetë e mundur është me rëndësi të madhe.

Ai ka thënë se Türkiye vazhdon përpjekjet e saj për ta siguruar stabilitetin në Siri dhe se rritja e mirëqenies sociale dhe ekonomike është e rëndësishme për të lehtësuar kthimin e refugjatëve sirianë në atdheun e tyre.

Türkiye dhe Austria, ka thënë Erdoğan, duhet ta shfrytëzojnë në mënyrë efektive potencialin në fushat e tregtisë dhe investimeve dhe do të vazhdojnë të ndërmarrin hapa për ta rritur bashkëpunimin.