Një incident me të shtëna ndodhi në një shkollë në qytetin austriak të Grazit të martën, duke lënë të paktën 9 persona të vdekur, raporton Reuters duke cituar agjencinë lokale të lajmeve APA.

Mediat austriake raportojnë se autori i krimit është një nxënës në shkollë dhe dyshohet se ka kryer vetëvrasje. Thuhet se ai ka hyrë në dy klasa dhe ka hapur zjarr.

Sipas gazetës austriake "Kurier", policia nuk e ka përjashtuar mundësinë e një autori të dytë. Ajo raportoi se në sulm u përdorën një ose më shumë armë zjarri.

Policia në rajonin Styria të Austrisë, njoftoi në platformën X se një operacion që përfshin disa grupe pune, përfshirë njësinë speciale Cobra, ishte duke u zhvilluar në Graz.

Grazi, qyteti i dytë më i madh i Austrisë, ndodhet në juglindje të vendit dhe ka rreth 300.000 banorë.