Zohran Mamdani fitoi zgjedhjet paraprake demokratike për kryetar të Nju Jorkut, duke konfirmuar fitoren e tij të befasishme ndaj ish-guvernatorit Andrew Cuomo dhe duke u kualifikuar për zgjedhjet e përgjithshme.

Rezultatet e rinumërimit me sistemin e votimit të zgjedhjes së renditur u publikuan të martën dhe treguan që Mamdani mundi Cuomon me një diferencë prej 12 pikësh.

Në një deklaratë, Mamdani tha se ndihej i përulur nga mbështetja që mori në zgjedhjet paraprake dhe se tashmë po fokusonte vëmendjen te zgjedhjet e përgjithshme.

“Të martën e kaluar, demokratët folën me një zë të qartë, duke dhënë një mandat për një qytet me çmime të përballueshme, një politikë të së ardhmes dhe një lider që nuk ka frikë të luftojë kundër rritjes së autoritarizmit”, tha ai.

“Jam i përulur nga mbështetja e më shumë se 545.000 qytetarëve të Nju Jorkut që votuan për fushatën tonë dhe jam i emocionuar ta zgjas këtë koalicion edhe më shumë teksa mundim Eric Adams dhe fitojmë një qeveri qytetare që vendos në radhë të parë njerëzit punëtorë.”