Grupi palestinez i rezistencës Hamas ka pranuar një propozim për armëpushim në Gaza të propozuar nga i dërguari i ShBA-së për Lindjen e Mesme, Steve Witkoff, tha një burim palestinez për Anadolu Agency të hënën.

"Hamasi pranoi propozimin e Witkoffit për një armëpushim për t'u shërbyer interesave të popullit tonë dhe për ta ndaluar gjenocidin e vazhdueshëm", tha burimi në kushte anonimiteti.

Ushtria izraelite, duke hedhur poshtë thirrjet ndërkombëtare për armëpushim, ka kryer një ofensivë brutale kundër Gazës që nga tetori i vitit 2023, duke vrarë më shumë se 53.900 palestinezë, shumica prej tyre gra dhe fëmijë.

Në nëntor, Gjykata Ndërkombëtare Penale lëshoi ​​urdhërarreste për kryeministrin izraelit Benjamin Netanyahu dhe ish-ministrin e Mbrojtjes Yoav Gallant për krime lufte dhe krime kundër njerëzimit në Gaza.

Izraeli përballet gjithashtu me një padi për gjenocid para Gjykatës Ndërkombëtare të Drejtësisë për shkak të luftës në enklavë.