Америка Құрама Штаттары (АҚШ) президент Дональд Трамп жариялаған 145 пайыздық баж салығы бойынша келіссөздер жүргізу үшін Қытайға бет бұрды. Бейсенбі күні Қытайдың мемлекеттік БАҚ-қа қатысы бар әлеуметтік медиа аккаунты тарифтер бойынша келіссөздерге қатысты ықтимал қадамдар туралы жаңа дерек ұсынды.

«Ююан Тантян» медиа агенттігі «Weibo» әлеуметтік желісіндегі ресми аккаунтында анонимді дереккөздерге сілтеме жасап, «АҚШ тарифтер мәселесін талқылау үшін түрлі арналар арқылы Қытаймен белсенді түрде байланысқа шықты», - деді.

Сәрсенбі күні Қытай Сыртқы істер министрлігінің ресми өкілі Го Цзякун «Білуімше Қытай мен АҚШ арасында тарифтер бойынша ешқандай консультация немесе келіссөз болған жоқ», - деді. Бейжің өткен аптада мұндай келіссөздердің болғанын бірнеше рет жоққа шығарып, Вашингтонды «қоғамды адастырды» деп айыптады.

«Ююань Тантян» Қытайдағы ең беделді мемлекеттік БАҚ-тың қатарында емес. Бірақ Қытай Коммунистік партиясының «People's Daily» газетіне қарасты «Global Times» соңғы бірнеше жылдағы Қытайдың сауда дауындағы қадамдары туралы хабарлаған алғашқы дереккөздердің бірі болды.

Трамп сәрсенбі күні әкімшілігі Қытаймен келісім жасауға «өте жақсы мүмкіндік» бар деп есептейтінін айтты. Бұл мәлімдеме Си Цзиньпиннің әлемдегі екінші үлкен экономикасы бар Қытайдың халықаралық аренадағы өзгерістерге бейімделу үшін әрекет етуі керек деген сөзінен кейін бірнеше сағат өткен соң жасалды, бірақ Америка Құрама Штаттары нақты аталмады.