Ukrainanyň döwlet Ýolbaşçysy Wladimir Zelenskiý ýaralaryna rus nebitini almagy bes etmäge we sanksiýalardan gaça durmak üçin bahana gözlemezlige çagyrdy.
ABŞ-nyň Prezidenti Donald Tramp ABŞ-nyn diňe bir NATO-nyň agzalary sanksiýalary kabul eden halatynda, sanksiýalar bilen gyzyklanjakdygyny beýan etdi.
Zelenskiý X platformasynda “Ýaranlaryň ählisine sanksiýa goýmazlyk üçin bahana gözlemegi bes etmäge çagyrýaryn. Ýewropa, ABŞ, G7, G20” diýip, ýazdy.
“Rus nebitinin sarp edilişi azaltylmaly we ol Russiýanyň söweşme ukybyny ejizleder. ABŞ-nyň pozisiýasyny görýäris we ol, beýleki ýaranlar bilen bilelikde Russiýadan nebit alýan hemmeler tarapyndan görülmeli” diýip, sözüniň üstüni ýetirdi.
“Wagt iňňän möhüm”
Beýleki tarapdan Ukrainadaky uruş sebäpli Russiýa agyr sanksiýalaryň goýulmagy hakyndaky taslama öňbaşçylyk edýän ABŞ-nyň Kongresiniň iki agzasy şenbe güni beren beýanatynda şu hepde kärdeşlerine taslamany federal hökümetin işini dowam etdirmegi hakyndaky “mejbury” kanuna goşmaga razy etmäge çalyşjakdyklaryny aýtdy.
Respublikaçy Senator Lindseý Graham we Wekil Brian Fitspatrik Moskwa Ukraina bilen ýaraşyk ylalaşygy boýunça gepleşik geçirmegi kabul etmese, çäreleri iş ýüzüne geçirjek kanun taslamasyny birnäçe aýdan bäri goldaýar. Şol çäreleriň hatarynda rus nebitini satyn alýan Hindistana we Hytaýa garşy ikinji derejeli sanksiýalar hem bar.
Senatyň we Wekiller Palatasynyň ýolbaşçylary Prezident Donald Trampyň Russiýa sanksiýa goýmaga höwessiz bolmagy sebäpli taslamany sese goýmaga hödürlemekden çetde durdy. Tramp onuň ýerine dünýäde rus nebitini alýan esasy ýurtlardan biri bolan Hindistandan ABŞ-na gelýän harytlara gümrük salgydyny girizmegi saýlap aldy. Hytaý bolsa birinji ýerde durýar.
Graham we Fitzpatrik beýanatlarynda “Wagt iňňän möhüm” diýip nygtadylar we “Şu hepde iki partiýadan hem kardeşlerimizi bu taslamany seljermek hem-de azatlyk ugrunda tiranalyga garşy durmak üçin bize goşulmaga çagyrarys” diýdiler.
Halk deputatlary Trampyň şenbe güni beren beýanatynda ABŞ-nyn Russiýa täze energiýa sanksiýalaryny goýmaga taýýardygyny, emma ony NATO agza ähli ýurtlar rus nebitini almagy bes edip, birmeňzeş çäreleri gören halatynda iş ýüzüne geçirjekdigini aýtmagyna kanagatlanma bildirdiler.
“Sanksiýalar we gümrük salgytlary Ukraina döwrebap Amerikan ýaraglarynyň satuwy bilen bilelikde Putini adalatly we buýsançly ýaraşyk üçin stoluň başyna oturtmagyň açarydygyna çürt-kesik ynanýarys” diýip, halk deputatlary sözleriniň üstüni ýetirdiler.
