ABŞ-nyň prezidenti Donald Tramp Amerikanyň Birleşen Ştatlarynyň Hindistan bilen gaty az söwda edýändigini we ABŞ-nyň Russiýa bilen söwda etmeýändigini aýtdy.
Tramp penşenbe güni “Truth Social” platformasyndan beren beýanatynda: "Hindistanyň Russiýa bilen näme edýändigi meni gyzyklandyranok. Isleseler ykdysadyýetlerini bilelikde ýok edip bilerler, maňa ähmiýet ýok" diýdi.
ABŞ-nyň prezidenti Donald Tramp çarşenbe güni beren beýanatynda, Hindistanyň Russiýa bilen söwdasyny agzap geçdi we anna güni ABŞ-nyň Hindistandan import edilýän önümlere 25 göterim salgyt girizjekdigini mälim etdi.
Hindistanyň hökümeti Trampyň öňki beýanatyna jogap berip, Trampyň aýdanlarynyň täsirini gözden geçirýändiklerini we adalatly söwda şertnamasyny baglaşmak isleýändiklerini aýtdy.
Tramp Hindistanyň harby enjamlarynyň we energiýa çeşmeleriniň agramly bölegini Russiýadan satyn alandygyny we munuň "gowy zat däldigini" aýtdy.
