Paris Saint-Germain ka fituar për herë të parë në histori Ligën e Kampionëve, pas një finaleje të dominuar ndaj Interit në “Allianz Arena”.

Skuadra franceze siguroi trofeun më të rëndësishëm evropian për klube me një paraqitje bindëse, duke shënuar pesë gola me autorë Achraf Hakimi, Désiré Doué (dy herë), Khvicha Kvaratskhelia dhe Mayulu.

Kjo fitore historike kurorëzon dekada investimesh dhe ambicie të PSG-së, që më në fund arrin majën e futbollit evropian. Interi u mposht bindshëm dhe largohet nga finalja si nënkampion.