Të paktën 13 persona janë vrarë dhe 31 janë plagosur në një sulm të ushtrisë ukrainase në një ndërtesë 10-katëshe në qytetin kufitar rus Belgorod. Sulmi shkaktoi shembjen e ndërtesës dhe numri i saktë i viktimave mbetet i panjohur, teksa më shumë njerëz mund të mbeten të bllokuar nën rrënoja, tha në një deklaratë Ministria e Mbrojtjes Civile e Rusisë.

Ministria e Mbrojtjes e Rusisë në një deklaratë të veçantë e quajti aktin një "sulm terrorist" në të cilin u përdorën raketa, duke shtuar se sistemet e mbrojtjes ajrore shkatërruan disa raketa ukrainase.

Ministri i Shëndetësisë Mikhail Murashko tha se ekipe mjekësore shtesë janë dërguar në vendngjarje si pjesë e reagimit emergjent.

Presidenti Vlladimir Putin u informua për situatën nga ministri i situatave emergjente Aleksandr Kurenkov dhe guvernatori i Belgorodit Vyacheslav Gladkov.