Presidenti turk, Recep Tayyip Erdoğan, i ka thënë homologut të tij rus, Vlladimir Putin, se përleshjet pas tërheqjes së forcave siriane nga Suwayda në jug të Sirisë përbëjnë kërcënim për gjithë rajonin. 

Në një telefonatë, dy udhëheqësit kanë diskutuar marrëdhëniet dypalëshe, si dhe çështjet rajonale dhe globale, njoftoi Drejtoria e Komunikimeve të Türkiyes në X.

Erdoğan ka thënë se Türkiye synon të sigurojë stabilitetin dhe sigurinë në Siri dhe të mbështesë rimëkëmbjen e vendit, duke theksuar se është e rëndësishme që Izraeli të mos e shkelë sovranitetin e Sirisë.

Duke theksuar rëndësinë e fillimit të raundit të tretë të negociatave midis Rusisë dhe Ukrainës, Erdoğan tha se Türkiye do të vazhdojë të presë bisedimet e paqes në Istanbul sapo palët të bien dakord për datat.