Situata më problematike është regjistruar në qarqet Shkodër, Lezhë, Dibër, Elbasan dhe Gjirokastër, ku operacionet për shuarjen e flakëve vazhdojnë edhe sot.

Zjarret që kanë përfshirë vendin gjatë javëve të fundit kanë angazhuar një sërë strukturash, përfshirë Forcat e Armatosura të Shqipërisë, zjarrfikësit, forcat bashkiake, vullnetarët dhe njësi të tjera operacionale.

Për përballimin e situatës janë aktivizuar edhe avionë zjarrfikës nga Italia, Greqia, Kroacia dhe Hungaria, në kuadër të Mekanizmit Evropian të Mbrojtjes Civile.

"Autoritetet janë në gatishmëri të plotë dhe po bashkëpunojnë ngushtë me strukturat vendore dhe ndërkombëtare për menaxhimin dhe shuarjen e zjarreve", thuhet në njoftimin zyrtar të Ministrisë së Mbrojtjes.

Ndërkohë, sipas Institutit të Gjeoshkencave, rreziku për zjarre mbetet i lartë sot dhe nesër në të gjitha qarqet e vendit, me temperatura që parashikohen të arrijnë deri në 42°C.