Izraeli ka vrarë 215 gazetarë deri më tani në sulmet e tij brutale në Gaza që nga tetori i vitit 2023.

Sipas raporteve të shumta, numri i gazetarëve të vrarë në Gaza ka arritur në 215 ndërsa Izraeli ka vënë në shënjestër vazhdimisht punonjësit e medias që raportojnë mbi gjenocidin në enklavën palestineze.

Së fundmi, sipas agjencisë palestineze të lajmeve WAFA, Izraeli vrau në mesnatën e së martës gazetarin Hassan Abdulfettah Eslieh në një sulm në spitalin Nasser në qytetin Khan Younis në jug të Gazës ndërsa po mjekohej.

Në një deklaratë të sotme, ushtria izraelite pranoi vrasjen e gazetarit, duke thënë se sulmi ndaj spitalit kishte në shënjestër aktivistë të shquar të Hamasit.

Shumë organizata ndërkombëtare dhe shoqata gazetarësh kanë dënuar shënjestrimin e punonjësve mediatikë në Gaza, duke i cilësuar sulmet ndaj tyre si krime lufte dhe krime kundër njerëzimit.