Klubi i Premier Ligës angleze, Sunderland transferoi mesfushorin 32-vjeçar Granit Xhaka, emri i të cilit është përmendur gjithashtu edhe me klubet turke.

Në një deklaratë nga klubi thuhet se "Sunderland është i kënaqur të njoftojë se ka transferuar Granit Xhakën. Mesfushori ka nënshkruar kontratë trivjeçare".

Lojtari me përvojë, i cili fitoi titullin i pamposhtur në sezonin 2023-2024 me Bayer Leverkusenin, luajti 225 herë për Arsenalin në Premier Ligë përpara se të bashkohej me klubin gjerman.

Granit Xhaka ka mbajtur rolin e kapitenit në kombëtaren e Zvicrës për të cilën ka shënuar 14 gola në 137 paraqitje dhe është futbollisti që ka luajtur më shumë ndeshje.