Takimi trepalësh i delegacioneve të Türkiyes, Rusisë dhe Ukrainës ka filluar të hënën në pallatin Çirağan në Istanbul.

Bisedimet drejtohen nga ministri i Jashtëm i Türkiyes, Hakan Fidan, dhe pritet të marrin pjesë zyrtarë të lartë nga të tria vendet. Shefi i Organizatës Kombëtare të Inteligjencës së Türkiye (MIT), Ibrahim Kalın, gjithashtu merr pjesë në takim.

Delegacionin rus e kryeson këshilltari i presidentit Vlladimir Putin, Vlladimir Medinski, së bashku me zëvendësministrin e Jashtëm Mihail Galuzin, zëvendësministrin e Mbrojtjes Aleksandar Fomin dhe shefin e Drejtorisë Kryesore të Shtabit të Përgjithshëm, Igor Kostjukov.

Delegacioni ukrainas përbëhet nga ministri i Mbrojtjes Rustem Umerov, zëvendësministri i Jashtëm Sergij Kyslytsya, zëvendësshefi i Shërbimit të Sigurisë Oleksandr Poklad, si dhe zëvendësshefi i Shërbimit të Inteligjencës së Jashtme Oleh Luhovskyi.

“Delegacioni rus më herët ka marrë një version të memorandumit për zgjidhje paqësore nga Ukraina,” deklaroi më herët sot Medinski.

Ndërkohë, presidenti ukrainas Volodimir Zelensky deklaroi se rusët ende nuk e kanë ndarë “memorandumin” e tyre.